Rýhanııat • 17 Qańtar, 2020

Aqmola oblysynda jastarǵa Abaıdyń «tolyq adam» konsepsııasy túsindirildi

118 retkórsetildi

Uly Abaıdyń toıy – el toıy. Oblys ortalyǵynda Nur Otan partııasy Aqmola oblystyq fılıaly janyndaǵy «Mıras» qoǵamdyq keńesiniń músheleri alǵashqy otyrysyn Qazaqstan Respýblıkasynyń Prezıdenti Qasym-Jomart Toqaevtyń «Abaı jáne HHI ǵasyrdaǵy Qazaqstan» atty maqalasyna arnap ótkizdi. 

Jıynǵa qatysýshylar maqalany memleket pen qazaqstandyqtar úshin  asa qajet eńbek dep baǵalady. Aǵa býyn ókilderi Abaıdyń «tolyq adam» konsepsııasyn basty nazarǵa alyp, jastarǵa jiti túsindirdi. Zııaly qaýym ókilderi ult maqtanyshynyń muratyn nasıhattaýǵa shaqyrǵan maqalany ystyq yqylaspen qabyldaǵandaryn jetkizdi.

– Mırastyń 2020 jylǵy alǵashqy otyrysyn Abaı shyǵarmalaryn nasıhattaý, Memleket basshysy Qasym-Jomart Toqaevtyń materıalynyń mán-mańyzyn jastarǵa túsindirýge arnap otyrǵan jaıymyz bar. О́z basym Prezıdenttiń bul materıalyn Abaıdy jańasha tanýdyń kózqarasy dep baǵalaımyn. Abaıdyń bizdiń ulttyń máńgilik el bolý jolyndaǵy aıtqan sózderi, odan qaldy Abaıdy búgingi kúni memlekettik ispen baılanystyra sóıleý, Abaıdyń baı muralaryn álemge tanytý, Abaıdy ózimiz taný arqyly ony álemge tanytý máselesi Prezıdenttiń oı-tolǵaý eńbeginde jaqsy kóterilip otyr, – dedi oblystyq Nur Otan partııasy fılıaly janyndaǵy «Mıras» qoǵamdyq keńesiniń tóraǵasy Jabal Erǵalıev.

Uly aqynnyń ósıeti – el erkindigi men bostandyǵy. Sondyqtan, Abaı murasyna táýelsiz jastardyń kózqarasy qajet ekeni anyq.

– Prezıdentimiz Qasym-Jomart Kemelulynyń maqalasy biz sııaqty jastarǵa rýh bergendeı boldy. Mysaly, men ózim akter mamandyǵyna oqyǵandyqtan, bizge myqty motıvasııa beredi, – deıdi Aqan seri atyndaǵy joǵary mádenıet kolledjiniń stýdenti Saıadil Noıarbekov.  

Ulttyq sanany saqtaý men ony zaman talabyna saı beıimdeý qashan da ózekti. Bul jolda uly dananyń oı-tujyrymdary baǵdarsham bolyp, rýhanı azyq bolmaq. Bul rette, jıyn qatysýshylary uly oıshyldyń qazaqty qaıtsek jaqsartamyn degen ustanymyn negizge alýǵa shaqyrdy.

 

Kókshetaý qalasy

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar