Prezıdent • 17 Qańtar, 2020

Memleket basshysy Roza Muqanova men Aqan Bıjanovty qabyldady

284 retkórsetildi

Aqordanyń baspasóz qyzmeti Memleket basshysy birqatar kezdesý ótkizdi dep habarlady.

Qasym-Jomart Toqaev «Aqorda» rezıdensııasynda jazýshy-dramatýrg Roza Muqanova men Fılosofııa, saıasattaný jáne dintaný ınstıtýtynyń dırektory Aqan Bıjanovty qabyldady. 

Roza Muqanova Memleket basshysyna Qazaq ulttyq óner ýnıversıtetiniń jas mamandardy daıarlaý baǵytynda atqaryp jatqan jumystary jaıynda aıtty.

Áńgimelesý barysynda otandyq dramatýrgııa men teatr ónerin damytýdyń ózekti máseleleri talqylandy.

Aqan Bıjanov Prezıdentke Fılosofııa, saıasattaný jáne dintaný ınstıtýtynyń jumysy týraly baıandap, Qazaqstan ǵylymynyń, ıdeologııasy men mádenıetiniń qazirgi ahýaly men damý perspektıvalary jónindegi oı-pikirimen bólisti.

Sonymen qatar kezdesý kezinde ál-Farabıdiń 1150 jáne Abaıdyń 175 jyldyq mereıtoılaryn ótkizýge daıyndyq máseleleri sóz boldy.

Qasym-Jomart Toqaev Qazaqstandy áleýmettik-saıası jańǵyrtý, sondaı-aq, óskeleń urpaqtyń boıynda ulttyq qundylyqtardy qalyptastyrý barysynda ál-Farabı men Abaıdyń ǵylymı jáne rýhanı muralaryn negizge alýdyń mańyzdy ekenin atap ótti. 

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar