Ekologııa • 17 Qańtar, 2020

Almaty jasyl qalaǵa aınalady

108 retkórsetildi

Almaty qalasy ákimdiginiń alańynda ótken baspasóz máslıhatynda Jasyl ekonomıka basqarmasynyń basshysy Erjan Seıtenov «Almaty qalasynyń erekshe mártebesi týraly» Zańyna engizilgen ózgerister men tolyqtyrýlar aıasynda jasyl qordy damytý perspektıvalary týraly aıtyp berdi. Bul baspasóz maslıhatyna «Almaty qalasyn damytý ortalyǵy» AQ basqarýshy dırektory Batyr Álimjanov pen Qazaqstannyń kógaldandyrý qaýymdastyǵynyń prezıdenti Tatıana Antonenko qatysty.

Este bolsa, ótken jyldyń jeltoqsanynda el Prezıdenti Qasym-Jomart Toqaev «Almaty qalasynyń erekshe mártebesi týraly» QR Zańyna ózgerister men tolyqtyrýlar engizýge qol qoıǵan edi. Osynyń nátıjesinde shahar basshylyǵy 28 jańa quziretti engizýge bastama jasap, onyń ishinde jasyl ekonomıkany damytý isin aıryqsha nazarǵa alǵan.

Almaty ákimdiginiń jańa quzyretiniń biri - Almaty qalasynyń jasyl jelegin ustaý men qorǵaýdyń jeke Erejesin ázirleý men bekitý múmkindigi  iske asatyn bolady.

Jańa erejelerdi ázirleý megapolıstiń jasyl qoryn damytý jónindegi jumys tıimdiligin arttyra túspek. Mamandardyń sózine qaraǵanda jańa ózgeristerde burynnan bar problemalardy sheshý tetikteri engizilmek. Olar – standarttar, reglamentter, nusqaýlar, ádistemelik tujyrymdamalar. Bulardyń barlyǵy eldimekenderdiń aýmaǵynda ósetin jasyl jelekti ustaý jáne qorǵaý, ruqsat qujattary bolmasa da, aǵash kesýge jol bergenderge qaıta aǵash otyrǵyzý normalaryn retteý sekildi máselelerdi qamtıdy.

E. Seıtenovtyń aıtýynsha, buǵan deıin aǵashtardy zańsyz kesý kezinde jasyl qorǵa keltirilgen zalaldy esepteý ádistemesi bolǵan joq, jasartý, krondy qalyptastyrý, jasyl jelekterdi sanıtarlyq kesý úshin ruqsat alý talap etilmeýi, bul jumystarmen naqty tájirıbesi joq adamdardyń aınalysýyna ákelip soqtyrdy. Saldarynan osynyń barlyǵy jasyl jelekterdiń túri men jaı-kúıiniń nasharlaýyna alyp keldi.

Jasyl jelekti ustaý men qorǵaýdyń jańa erejelerine olardy jasartý, sanıtarlyq kesý, jasyl jelekti kútip-baptaý jónindegi tehnologııalyq nusqaýlar, zańsyz keskeni, jasyl jelekke zalal keltirgeni úshin jaýapkershilikke tartý, qalanyń jasyl qoryn qorǵaý normalary engen.

Erjan  Seıtenov bul oraıda jańa erejelerdi ázirleý úshin jumys toby qurylǵanyn, onyń quramyna sarapshylar qoǵamdastyǵynyń, jurtshylyqtyń jáne ǵylym ókilderiniń engenin aıtty. Aldaǵy kóktem aılarynda jasyl Almatynyń jarqyraǵan jobasy ekpin alatynyn jetkizdi.

Jańa Erejelerdiń jobasyna birqatar jańa norma engenin aıtyp ótti. Olardyń iske asatyn negizgi bóligi mynadaı:

  1. Aǵashtardy sanıtarlyq kesý, jasartý Almaty ákimdiginiń kelisimimen ǵana júrgiziletin bolady;
  2. Ákimdiktiń ruqsatymen sanıtarlyq jolmen nemese ádeıi kesilgen aǵashtardyń ornyna jasyl jelekter qaıta otyrǵyzylady, magıstraldy kóshelerdiń boıyna dińgegi 20-25 sm bolatyn japyraqty aǵash túrleri otyrǵyzylady, qylqan japyraqty aǵashtardyń bıiktigi kem degende 2,5 metr (I nemese II synypty sapa) bolýy tıis;
  3. Alynǵan aǵash shyǵynyn óteýdiń ádisi jasaldy, sonyń arqasynda keltirilgen zalaldyń naqtyly baǵasy anyqtalady;
  4. Aǵash apatty jaǵdaıda alynsa, onyń ornyna otyrǵyzylatyny – 1-ge 1, ádeıi otyrǵyzylatyny – biriniń ornyna 10, zańsyz alynǵany úshin – bireýiniń ornyna 100;
  5. Jasyl jelekterdiń kepildemeli merzimi – 3 jyl;
  6. Baǵdarlamalar ákimgerleri ortalyq qoldanystaǵy jerlerdegi jasyl jelekterdi kóktemgi-jazǵy jáne jazǵy-kúzgi mezgilderde saýyqtyrý ári zııankesterden jáne túri aýrýlardan qorǵaý úshin kem degende 4 ret naqty sharalardy júzege asyratyn bolady.

Erejeler jobasy jergilikti aqparat quraldary arqyly talqylanyp, onyń ishinde Almaty qalasynyń Jasyl ekonomıka basqarmasynyń resmı saıtynda da bul jańalyqtar jarııalanatyn bolady. Sondaı-aq nıet bildirýshilerdiń barlyǵy jasyl qordy jaqsartý jónindegi jeke usynystaryn jibere alady.

«Jurtshylyqpen, «Atameken» UKP-men jáne basqa da múddeli organdarmen, uıymdarmen kelisilgen soń jasyl jelekti ustaý jáne qorǵaý jónindegi jańa erejelerdi bekitý úshin Almaty qalasynyń maslıhatyna usynylady» dep atap ótti Erjan Seıtenov. 

Almatyda jasyl shaharǵa aınalmaq. Negizi búgingi  áńgimeniń toq eteri aldaǵy kúnderi jasyl jelekke oranǵan qala kóz jaýyn alyp tursa deısiz. Sol óreli  iske  jalyndy jastar dendep kirisken.

                                                                                                                        

 ALMATY

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Uqsas jańalyqtar