Qoǵam • 17 Qańtar, 2020

Elbasy qory Úkimetpen birlesip salalyq menedjerlerdi daıarlaý baǵdarlamasyn iske asyrady

223 retkórsetildi

Baǵdarlama Elbasynyń «El úmiti» bastamasy aıasynda ázirlengen jáne «100 naqty qadam» Ult josparyn, sondaı-aq, Qazaqstan Prezıdenti Q. Toqaevtyń ekonomıka men áleýmettik salany memlekettik basqarýda jańa tásilderdi engizý qajettigi týraly tapsyrmasyn sapaly oryndaýǵa baǵyttalǵan. Bul týraly primeminister.kz habarlady. 

Baǵdarlamany Tuńǵysh Prezıdent qory Úkimetpen jáne AHQO-ymen birlesip júzege asyrady. Onyń basty maqsaty — salalyq kásibı tulǵalardy tabý jáne olardy ekonomıkanyń basymdyqty salalarynda ózgeristerdi basqarýda kóshbasshylar retinde odan ári daıarlaý.

Máselen, 2019 jyly 27 qarashada talantty jastarmen ótken kezdesýde QR Tuńǵysh Prezıdenti – Elbasy N. Á. Nazarbaev ekonomıkanyń túrli salalarynda kásibı mamandardyń qalyptasýynyń mańyzdylyǵyn atap ótti.

«Basty talap – eń úzdik bilim men álemniń jetekshi kompanııalarynda tájirıbe jınaý ǵana emes, komandada jumys isteı bilý, kúrdeli mindetter úshin jaýapkershilik ala bilý jáne olardy sońyna deıin jetkize bilý. Baǵdarlama boıynsha iriktelgen árbir maman ózgerister basqarý menedjerine deıingi oqytýdan ótedi», — dedi Elbasy.

Baǵdarlamanyń ózektiligi Memleket basshysy alǵa qoıǵan memlekettik basqarýdyń jańa modelin qalyptastyrý boıynsha mindetter aıasynda arta túsedi. El Prezıdenti Q. Toqaev «bizge túrli salalarda jańa formasııadaǵy basqarýshylar komandasy kerek» degen bolatyn.

Baǵdarlama qazaqstandyq kásibı mamandardy memlekettik basqarýǵa tartý úshin qosymsha jaǵdaılar jasaıdy. Bul rette, azamattardyń memlekettik apparatpen yntymaqtastyǵynyń jańa formattary usynylady, bul olardy mindetti túrde memlekettik qyzmette laýazymǵa ıe bolýǵa tartýdy kózdemeıdi.

Baǵdarlama aıasynda birinshi kezeńde saýda jáne logıstıka, qurylys, aýyl sharýashylyǵy, geologııalyq barlaý jáne ónerkásip (sonyń ishinde – jańa ındýstrııa), sý resýrstary, óńirlik damý jáne qalalardy basqarý, týrızm, mádenıet jáne sport, bilim berý, densaýlyq saqtaý jáne medıaındýstrııa sekildi 11 saladaǵy naqty mindetterdi júzege asyrýǵa 200 qazaqstandyq kásibı mamandy tartý kózdelgen.

Baǵdarlamaǵa qatysýǵa memlekettik jáne jekemenshik sektorda jumys isteıtin, sonyń ishinde shetelde turatyn, tabysty praktıkalyq tájirıbesi, kásibı bilimi jáne eń bastysy – memlekettiń órkendeýine jeke úlesin qosýǵa nıeti bar QR azamattary shaqyrylady.

Baǵdarlamaǵa qatysýshylar álemniń jetekshi ınstıtýttary men kompanııalarynda kýrstar men taǵylymdamalar túrinde fýnksıonaldyq jáne salalyq oqytýdan ótedi.

О́zgeristerdi basqarý boıynsha menedjerlerdi daıarlaý baǵdarlamasynyń mańyzdy komponenti — onyń qatysýshylarynyń joǵaryda atalǵan 11 saladaǵy eń ózekti 49 praktıkalyq mindetterdi sheshýi.

Baǵdarlamaǵa qatysýshylar ózderiniń tálimgerleri retinde áreket etetin jetekshi otandyq jáne halyqaralyq sarapshylarmen, Úkimet basshylyǵymen tikeleı jáne júıeli ózara is-qımyl jasaý múmkindigine ıe bolady.

Baǵdarlamaǵa jalpy basshylyq etýdi QR Premer-Mınıstri Asqar Mamın bastaǵan Basqarýshy komıtet júzege asyrady. Baǵdarlamany iske asyrýdy TPQ Úkimettiń jobalyq ofısimen birge qamtamasyz etedi.

Baǵdarlamaǵa qatysý úshin úmitkerlerdiń ótinimderin qabyldaý 15 qańtarda bastaldy. Salalyq komandalardy irikteý jáne qalyptastyrý prosesi osy jyldyń 15 naýryzyna deıin aıaqtalady. Bul jumyspen arnaıy táýelsiz komıssııa aınalysady. Kandıdattardy baǵalaýǵa, irikteýdiń obektıvtiligi úshin halyqaralyq sarapshylar tartylatyn bolady. Baǵdarlamaǵa qatysýǵa ótinim berý úshin cv@elumiti.kz elektrondyq poshtasyna keri baılanys úshin baılanys derekterin kórsete otyryp, túıindeme jiberý qajet. 

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar