Buǵan deıin Fılıppınniń tórt qalasynyń jabylǵany habarlanǵan bolatyn. Jergilikti tabıǵı apattardyń saldaryn basqarý jáne azaıtý jónindegi jergilikti basqarma basshysy Lıto Kastronyń aıtýynsha, juma kúni 14 shaqyrym radıýstaǵy qaýipti aımaqta turatyn barlyq jergilikti turǵynǵa úılerine oralýǵa tyıym salynǵan.
Kastro juma kúngi málimet boıynsha 66 myńnan astam adam 283 evakýasııalyq ortalyqqa jaıǵastyrylǵanyn atap ótti.
Eske sala keteıik, ótken jeksenbi kúni Taal janartaýy oıanyp, bir shaqyrym bıiktikke kúl atqylady. Janartaýdyń atqylaýy saldarynan Fılıppın bıligi Batanges provınsııasyndaǵy úsh eldi mekenindegi 80 myńnan astam adamdy evakýasııalaýǵa kirisken bolatyn.
