Qazaqstan • 18 Qańtar, 2020

2019 jyly ındýstrııalandyrý baǵdarlamasy aıasynda 76 joba iske qosyldy

107 retkórsetildi

Indýstrııalandyrý arqyly el ekonomıkasyn ártaraptandyrý baǵytyn Tuńǵysh Prezıdent – Elbasy Nursultan Nazarbaev 2010 jyly aıqyndap bergen edi. Sodan bergi kezeńde elimizdiń óńdeý ónerkásibi kásiporyndary 70 trln. teńgeniń ónimin óndirdi. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Onyń 44 trıllıony - 2015-2019 jyldary iske asyrylǵan ekinshi besjyldyq úlesinde. Eńbek ónimdiligi bir adamǵa 35,3 myń AQSh dollaryna jetti. Indýstrııalandyrýdyń ekinshi besjyldyǵy úshin qorytyndy kezeń bolǵan 2019 jyly jalpy somasy 360,6 mlrd teńgege 76 joba iske qosyldy. 6 myń turaqty jumys orny ashyldy.

Elimizdiń ındýstrııalyq-ınnovasııalyq damýynda mashınajasaý - basym baǵyttardyń biri. Indýstrııalandyrý baǵdarlamasy sheńberinde saladaǵy óndiris kólemi 3 ese artty. 2018 jyly onyń kólemi 1 trln teńgeden asty. 2019 jyly 19,2% kóleminde ósim bolyp, 1 trln 180 mlrd teńgeniń ónimi óndirildi. О́tken jyldyń ózinde 7 jańa joba iske qosyldy. Sonyń biri – Qostanaıdaǵy «Kıroves» traktorlaryn shyǵaratyn zaýyt. Oǵan salynǵan ınvestısııa kólemi 7,3 mlrd teńge. О́ndiristik qýaty – jylyna 700 traktor shyǵarady.

Taý-ken óndirý salasyna kelsek, ótken jyly tústi metall kenderin óndirý kólemi 17,5% ósti.

Jeńildetilgen nesıeler berýdi qarastyratyn «Qarapaıym zattar ekonomıkasy» baǵdarlamasynyń qabyldanýy óńdeý ónerkásibi salasy úshin qosymsha ósim draıveri boldy. Baǵdarlama aıasynda bólingen 600 mlrd teńge qarjynyń 400 mlrd teńgesi óńdeý ónerkásibi salasyn damytýǵa baǵyttaldy. Bıznesti jeńildetilgen nesıemen qarjylandyrý nátıjesinde 2025 jyly 16 myńdaı turaqty jumys orny ashylyp, bıýdjetke túsetin salyq 1,1 trln teńgege artýy tıis. «Qarapaıym zattar ekonomıkasy» ónimderiniń ımporttyq úlesi 59%-ten 37%-ke deıin azaıady.

Jeńil, jıhaz, qurylys materıaldary ónerkásibin damytý boıynsha jol kartalary ázirlenip, qabyldandy. Otandyq maqta talshyǵyn óńdeýdi arttyrý maqsatynda 2019 jylǵy jeltoqsanda Shymkentte «Alliance» saýda-ónerkásip kompanııasy» jip ıirý fabrıkasy ashyldy. Jobany Qazaqstannyń ınvestısııalyq qory men О́zbekstannyń «Alliance Textile» jeńil ónerkásip kásiporyndary qaýymdastyǵy birlesip iske asyrdy. Joba aıasynda alǵashqy kezeńde 120 jańa jumys orny ashylyp, maqta talshyǵyn óńdeý kólemi jylyna 6 myń tonnaǵa jetedi.

Arnaýly ekonomıkalyq aımaqtardy damytýǵa úlken kóńil bólinýde. Osy maqsatta 2019 jylǵy sáýirde «Arnaýly ekonomıkalyq jáne ındýstrııalyq aımaqtar týraly» zań qabyldandy. Bul baǵytta Qyzyljar arnaýly ekonomıkalyq aımaǵynyń qurylýy mańyzdy oqıǵa boldy. Onda eksportqa baǵdarlanǵan zamanaýı óndiris oryndary iske qosylyp, 3 myń jańa orny ashylady. Bul – tamaq ónimderi, qurylys materıaldary, jıhaz, elektronıka jáne mashına jasaý ónimderi óndirisin qamtıtyn Qazaqstan men Reseıdiń shekaralas aımaqtarynda ornalasqan jalǵyz arnaýly ekonomıkalyq aımaq.       

Indýstrııa jáne ınfraqurylymdyq damý mınıstrligi 4.0  Indýstrııasy qaǵıdatyna kóshý barysynda otandyq óndirýshilerdiń bastamalaryn belsendi túrde qoldaıdy. 2019 jyly 102 óńirlik ónerkásip kásiporyndary úshin 4.0 Indýstrııasy elementterin engizý jáne avtomattandyrý strategııasy boıynsha ádistemelik usynymdar ázirlendi. Qajetti ekojúıe qurýǵa baǵyttalǵan sıfrlyq transformasııasyn qoldaý sharalary qabyldandy.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar