Qazaqstan • 18 Qańtar, 2020

Qazaqstanda 19 myń sheteldik jumysshy jumys isteıdi

115 retkórsetildi

2020 jylǵy 1 qańtardaǵy jaǵdaı boıynsha jergilikti atqarýshy organdardyń ruqsaty boıynsha Qazaqstan aýmaǵynda 19 145 sheteldik azamat eńbek qyzmetin júzege asyrady. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Olardyń ishinde birinshi sanatta (menedjerler men olardyń orynbasarlary) 770 adam (4%), ekinshi (bólim meńgerýshileri) – 445 (23%), úshinshi (mamandar) – 9 632 (50%) jáne tórtinshi (bilikti) jumysshylar) – 1818 (9%), maýsymdyq jumystarǵa 767 (4%), korporatıvti aýystyrýǵa 1 744 adam (9%) tartyldy.

Sheteldik jumys kúshin tartqan jumys berýshiler sany 2040 adamdy quraıdy, olarda 508 755 qazaqstandyq azamat jumys isteıdi, bul jalpy jumysshylar sanynyń 96,3%-yn quraıdy.

Sheteldikterdiń basym bóligi qurylys salasynda jumys isteıdi – 8623 adam (45%). Taý-ken ónerkásibinde 2 213 (12%), aýyl, orman jáne balyq sharýashylyǵy salasynda – 55 (0,3%), kásiptik, ǵylymı jáne tehnıkalyq qyzmette 1 557 (8%), óńdeý ónerkásibinde – 1 397 (7%) sheteldik jumys isteıdi.

Eńbekshi mıgranttarynyń negizgi shyǵý elderi: Qytaı – 4 524 adam (24%), О́zbekstan – 781 (4%), Túrkııa – 1 964 (10%), Úndistan – 1 893 (10%), Ulybrıtanııa – 1 368 (7%) bolyp tabylady.

Esterińizge sala keteıik, ishki eńbek naryǵyn qorǵaý maqsatynda QR Úkimeti jyl saıyn respýblıkaǵa sheteldik mamandardy tartýǵa kvota belgileıdi. 2019 jylǵa arnalǵan kvota jumys kúshiniń sanyna qatysty 0,54% nemese 48,7 myń birlik mólsherinde bekitildi. 2020 jylǵa – 29,3 myń birlik nemese 0,32%.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar