Aımaqtar • 18 Qańtar, 2020

Biz jaqta qarly boran burqyrap tur, Farhat ta dombyrasyn julqylap tur...

2478 ret kórsetildi

Kókpekti aýdanynda tipti, bir jarym, eki metrge jýyq qar jaýǵanyn aıǵaqtaıtyn vıdeolar tarap jatyr.    

Shyǵysta kesheden beri qar tolastamaı tur. 17 qańtarda oblystyń birneshe baǵytynda joldar jabylyp, 200-den astam tehnıka qar qursaýynan qutqaryldy. Oblystyq Tótenshe jaǵdaılar departamenti mamandarynyń habarlaýynsha, ásirese óńirdiń Glýbokoe, Shemonaıha, Borodýlıha aýdandaryna qar qalyń túsken. Al búgin áleýmettik jelilerde Kókpekti aýdanynda tipti, bir jarym, eki metrge jýyq qar jaýǵanyn aıǵaqtaıtyn vıdeolar tarap jatyr.    

kók

Kókpektilik aıtysker aqyn Farhat Maratulynyń qalyń qardyń ortasynda, qolyna dombyrasyn alyp aıtqan:

Biz jaqta qarly boran burqyrap tur,

Farhat ta dombyrasyn julqylap tur.

Akımattyń oń qoly Maǵjan qaıda,

Biz jaqqa jiberseńshi bir traktor, aıhaı-ahoý, - degen ázil-shyny aralas bir shýmaq óleńi Kókpektiniń burqasynyndaı lezde ýatsap jelisi el arasyna taraýda.   

Biz uıaly telefon arqyly belshesinen qarǵa batqan aqyn Farhat Maratulyna habarlasyp, mán-jaıdy bildik. «Qar keshe túnimen toqtaýsyz jaýdy. Búgin kúndiz saıabyrsyp, qazir qaıtadan qar jaýa bastady. Úılerdiń aýlalaryn, tóbesine deıin qalyń qar basyp tastady. Kólikter júrmeı jatyr. Jolaýshylar Kókpektide joldyń ashylǵanyn kútip otyr. Tehnıkalar qardy tazalap úlgere almaı jatyr. Bir baıqaǵanymyz, qar Kókpektiniń óz basynda qalyń jaýǵan. Aýdan syrtyndaǵy aýyldarda mundaı qar joq» deıdi ol

Shyǵys Qazaqstan oblysy.

Sońǵy jańalyqtar

Qazaqstanda dollar qymbattady

Ekonomıka • Keshe

Uqsas jańalyqtar