Aımaqtar • 19 Qańtar, 2020

Qyzylordada aqbóken atqan «Ohotzooprom» mekemesiniń 3 qyzmetkeri ustaldy

31 retkórsetildi

«Brakoner» jedel aldyn alý is-sharasy barysynda Qarmaqshy aýdandyq polısııa bólimi ýchaskelik polısııa ınspektorlary men «Ohotzooprom» RMQK ókilderiniń birlesken reıdi barysynda Qarmaqshy aýdanynan 15 shaqyrym jerde ornalasqan «Tyshqantam» ýchaskesinde  «Land Krýzer LH76» markaly avtokóligi toqtatyldy. Teksere kelgende kóliktiń «Ohotzooprom» RMQK mekemesine tıesili ekendigi anyqtaldy, ondaǵy 3 adam da sol mekeme qyzmetkerleri bolyp shyqty. Bul týraly Qyzylorda oblystyq Polısııa departamentiniń baspasóz qyzmeti habarlady.          

Avtokólikterdi syrttaı qaraý kezinde artqy bamperden qan izderi baıqalyp, polısııa qyzmetkerleri júrgizýshiden  júk salǵyshty ashýdy talap etken.

Biraq avtokólik júrgizýshisi men onyń janyndaǵy 2 adam polıseılerdiń talaptaryna baǵynýdan bas tartyp, oqıǵa ornynan qashyp ketedi. Polısııa qyzmetkerleri kóp keshikpeı kólikti «Ohotzooprom» turaǵynan tapty.  

Ony tekserý barysynda salonnan 1 dana tegis uńǵyly qarý, pyshaq jáne projektor  zattaı dáleldeme retinde alyndy. Sonymen qatar, avtokóliktiń artqy júk salǵyshynan aqbókenniń eti tabyldy.

Ustalǵandardyń biri ýaqytsha ustaý ızolıatoryna qamaýǵa alyndy, al qalǵandaryna qatysty bultartpaý sharasyn qoldaný máselesi sheshilýde.

Qazirgi tańda atalǵan derek boıynsha Qazaqstan Respýblıkasy Qylmystyq kodeksiniń 339-baby 2-bóliginiń 2,4-tarmaqtary boıynsha  sotqa deıingi tergep-tekserý jumystary júrgizilýde. 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar