Aımaqtar • 19 Qańtar, 2020

Qyzylorda: Eriktiler jylyndaǵy jobalar talqylandy

57 retkórsetildi

Qyzylordadaǵy Dostyq úıinde oblystyq Qazaqstan halqy assambleıasy volonterler qozǵalysy ortalyǵynyń biryńǵaı ashyq esik kúni ótti.

Oǵan etnomádenı birlestik basshylary, oblystyq QHA qurylymdary, ÚEU ókilderi, volonterler qatysty.

Ashyq esik kúninde «Qoǵamdyq kelisim» KMM dırektorynyń orynbasary Asylbek Jumabaev aldaǵy maqsatty jumystarǵa toqtalyp ótti. Ol Memleket basshysy Jarlyǵymen bıyl Volonterler jyly bolyp jarııalanyp, Dostyq úıleriniń bazasynda volonterler qozǵalysynyń ortalyqtary  ashylǵanyn atap ótti.  

QHA volonterlik qozǵalysynyń negizgi baǵyttary, qyzmeti men qurylymdary jaıly «Qoǵamdyq kelisim» KMM bólim basshysy Qanat Aqylbekov habarlama jasady. Ol qoǵamdaǵy áleýmettik, ózge de máselelerdi sheshýde volonterlik qyzmettiń mańyzdylyǵyn arttyra otyryp, jumysty úılestirý, bastamalaryna qoldaý bildirý sekildi naqty jobalar júzege asyrylatyndyǵyn alǵa tartty.

Sport baǵyty boıynsha pikir bildirgen káris etnomádenı birlestigi jetekshisiniń orynbasary Iýrıı Kım tek qana jastar emes, barlyq qalaýy bar júregi jaısań jandardy ıgilikti isterdi jasaýǵa shaqyrdy. QHA janyndaǵy Qoǵamdyq kelisim keńesiniń múshesi Aleksandr Abanın  bilim baǵyty boıynsha oıyn ortaǵa saldy.  

Volonterlik ortalyq boıynsha 4 joba qarastyrylǵan bolsa onyń ishinde medıasııa salasy boıynsha volonterlik qyzmetti damytýǵa aıqyn kóńil bólingen.  

«El Araı» qaıyrymdylyq qorynyń dırektory Ashat Baıdáýlet birneshe jyldan beri volonter bolyp keledi.

Bizdiń qor birneshe jyldan oblystyq Qazaqstan halqy assambleıasymen birlesip jumys jasap keledi. Búgingi oblystyq assambleıanyń bastamasymen ashylǵan ortalyqtyń baǵyttary qoǵamnyń ózgerýine úlken septigin tıgizedi dep oılaımyn. О́tken jyly shet aımaqtaǵy kógildir otynsyz otyrǵan úılerge gaz ornatyp berdik. Odan bólek, jetim balalar men múmkindigi shekteýli balalardyń oı-órisin arttyratyn ártúrli sporttyq, oıyn-saýyq sharalary, tanymdyq saıahattar uıymdastyryldy. Aldaǵy maqsatymyz, muqtaj otbasylarǵa qol kómegin kórsetip, úı-úılerdi aralap, qoralaryna tal egip, úı sharýashylyǵyndaǵy jumystaryna kómektesý, dedi ol.

Shara sońynda qatysýshylar ózara pikir almasyp, aldaǵy josparlardy talqyǵa saldy.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar