Qazaqstan • 20 Qańtar, 2020

Qoǵamdyq uıym ókilderimen kezdesti

7 retkórsetildi

Elordada Premer-Mınıstrdiń orynbasary Berdibek Saparbaev úkimettik emes uıym ókilderimen kezdesti. Is-shara Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa Joldaýynda aıtylǵan tapsyrmalardy ilgeriletý maqsatynda uıymdastyryldy.

Sonymen qatar kezdesýge Aqparat jáne qoǵamdyq da­mý mınıstri Dáýren Abaev, Máji­lis depýtattary, elimizdegi aldyń­ǵy qatarly úkimettik emes uıym­dardyń basshylary qatysty.

Is-sharada sóz sóılegen Pre­mer-Mınıstrdiń orynbasary B.Saparbaev qoǵamnyń ár múshesi memlekettiń damýyna jaýapty ekenin aıta kele, úkimettik emes uıymdar men memlekettiń qarym-qatynasyna toqtaldy.

«Úkimettiń negizgi maqsat­ta­ry­nyń biri – úkimettik emes uıym­dardyń jumysyn jetil­dirip, qoǵamnyń ál-aýqatyn art­ty­rý. Elbasy Nursultan Nazarbaev­tyń, Memleket basshysy Qa­sym-Jomart Toqaevtyń tapsyrma­laryna sáıkes, Úkimet osy baǵyt­ta aýqymdy sharalar atqaryp keledi», dedi B.Saparbaev. Son­daı-aq Premer-Mınıstr­diń oryn­basary ÚEU ókilderimen kezde­sý halyqtyń muń-muqtajyn tyń­daýǵa múmkindik beretinin atap ótti. Osylaısha, atalǵan má­se­le­lerdi utymdy sheshýge jol ashylady.

«Bárimiz de osy memlekettiń damýyna, bolashaǵyna jaýaptymyz. Kemshilikter bol­sa oǵan da jaýap beretin – biz. О́ıt­­keni bárimiz de qoǵamnyń múshe­simiz. Úkimettiń maqsaty – úkimet­tik emes uıymdarmen, qoǵammen jumys isteý. Úkimettik emes uıym­dar halyqty tolǵandyratyn máselelerdi biledi. Sony bizge jetkizip, máselelerdiń sheshilýi jolynda birige jumys isteýimiz kerek. Úkimet ÚEU-men birge jumys isteýge árdaıym daıyn. Búginge deıin kóptegen ju­mys atqaryldy. Memleket tarapy­nan kórsetilgen qoldaý az emes. Árıne keı baǵyttar áli de jetil­dirýdi talap etedi. Alaıda, osyndaı kezdesýlerdiń, úkimettik emes uıym ókilderi aıtqan usynys­tardyń mańyzy erekshe», dedi B.Saparbaev.

Is-sharada Ulttyq senim keńe­siniń múshelerin saılaý, oǵan úkimettik emes uıym ókilderin qosý máselesi de kóterilgen. B.Sa­parbaev mundaı usynysqa qarsy emes ekenin eskertip, Keńeske úkimettik emes uıym múshelerin engizýdi qoldaıtynyn jetkizdi.

«Halyqtyń sheshilmeı jatqan máselelerin qoǵamdyq uıymdar arqyly bilip, ońtaıly sheshilýin qadaǵalaý kerek. Bir sózben aıtqanda, úkimettik emes uıymdarmen birge atqarar sharýa­myz az emes. Dıalog jasaıtyn alańdar qurylyp, qomaqty qarajat bólinip keledi. Qoǵamdyq uıymdar arqyly atqarylyp jatqan sharýa elge jetýi kerek. Halyqtyń sheshilmeı jatqan máseleleri qoǵamdyq uıymdar arqyly aıtylyp, sheshimin tabýy tıis», dedi Premer-Mınıstrdiń orynbasary.

Jıynǵa qatysqan úkimettik emes uıym ókilderi elimizde jastar arasynda sýısıdtyń kóbeıip ketkenine alańdaýshylyq bildirgen. B.Saparbaev bul túıtkildi sheshýge qoǵam bolyp jumylý qajet ekenine toqtaldy.

«Buǵan bárimiz kinálimiz. О́ıt­keni olar bizdiń balalarymyz. Kináni úkimetke ǵana artý du­rys emes. Olardyń ata-analary qaıda qarap otyr? Árıne bı­liktiń kemshiligi bar. Keı sátti eskermeı qalýy, keı salaǵa qar­jy az bólinýi múmkin. Jasós­pirimderdiń bos ýaqytyn tıimdi paı­dalanýǵa baǵyttalǵan sport­tyq sharalar jetkiliksiz bolýy yqtımal. Alaıda, ata-ananyń jaýapkershiligin de umytpaǵan abzal. Sondyqtan «Pedagog márte­besi týraly» zańda ata-ananyń jaýapkershiligine erekshe nazar aýdaryp otyrmyz. Bul túıtkilmen birlesip kúresýimiz kerek», dedi B.Saparbaev.

Budan bólek, jıyn barysynda azamattyq qoǵamdy damytý, senim mádenıetin qalyptastyrý, memleket pen azamattyq qoǵam ınstıtýttarynyń qarym-qatynasy, áleýmettik kásipkerlik sekildi qoǵamdaǵy mańyzdy máseleler talqylandy.

 

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar