Aımaqtar • 20 Qańtar, 2020

О́lketaný órenderdiń óresin ósiredi

18 retkórsetildi

Batys Qazaqstan oblystyq Tilderdi damytý basqarmasy muryndyq bolǵan «Týǵan ólke – tunǵan tarıh» atty ǵylymı-zertteý jobasy baıqaýy márege jetti. Bilim men izdenis jarysyna oblystyń barlyq aýdandarynan 7-8 synyp oqýshylary qatysqan bolatyn.

– Baıqaýdyń basty maqsaty – Elbasymyzdyń «Uly dala­nyń jeti qyry» jáne «Bola­shaq­qa baǵdar: rýhanı jańǵyrý» maqalalary aıasynda jas zert­teý­shilerdiń nazaryn óziniń týǵan ólkesine, aýyl men qala tarıhyna aýdarý bolatyn. Osylaısha, óz ólkesin erekshe súıetin, onyń ótkenimen maqtanatyn patrıottardy tárbıeleý, bilim alý­shy­lardyń ǵylymı oılaý jáne zertteý qabiletterin damytý da basty nazarda boldy. Baıqaýǵa mektep oqýshylary belsene qatysty. Sóıtip qorytyndy synǵa ob­lys­tyń 9 aýdany jáne Oral qala­synyń bilim mekemelerinen 23 úmit­ker qatysty, – deıdi osy baı­qaýdy uıymdastyrýshy Tilderdi damytý basqarmasynyń jaýapty qyzmetkeri Zámzágúl Ǵabbasova.

Orta býyn mektep oqý­shy­la­ry­nyń balań jumystary bolsa da baıqaýǵa Oral qala­syn­daǵy joǵary oqý oryndary­nyń professor-oqytýshy­lary qazylyq etti. Tarıh ǵylym­­da­ry­nyń kandıdattary, Baqtyly Boranbaeva men Alfııa Baıbolsynova, fı­lo­logııa ǵylymdarynan
PhD doktor Aıdarbek Aqbo­la­tov jas zert­teýshilerdiń anyq­ta­­ma­lyq áde­bıetterimen ju­mys­ta­nýdaǵy biligi men daǵ­dy­syn, qorytý táji­rıbesin, ja­zý sheber­li­gin, týǵan ólke ta­rı­­hynyń aqparattyq-taldaý ma­­terıaldary júıesin qurý jáne júrgizýdegi iz­de­­nisin laıyqty baǵala-
dy.

– Oqýshylarǵa olardyń je­tekshileri, ustazdary barynsha kómekteskeni baıqalady. Baı­qaýǵa kelip túsken jumys­tar­dyń kópshiligi onomastıka taqy­rybyna, jer ataýlarynyń tarıhyna arnalǵan eken. Shıpaly Áljan sor týraly, kóne qulpy­tas­tar tarıhy haqynda zertteý jasaǵan oqýshy­lar da bar. Árıne bul balǵyn zert­teýshilerdiń tyr­­naqaldy týyndylary ǵoı. Olarǵa sáttilik tileımiz, – deıdi Ma­hambet О́temisuly atyndaǵy Batys Qazaq­stan memlekettik ýnı­ver­sıte­tiniń dosenti, tarıh ǵy­lym­da­rynyń kandıdaty Alfııa Sabyr­ǵa­lıqyzy.

Sonymen bilim men tanym báı­gesiniń bas júldesin Qara­tóbe aýdanyndaǵy Alakól negizgi mektebiniń 8-synyp oqýshysy Ul­pan Sultanǵalıeva jeńip aldy. Birinshi oryn Terekti aýda­­nyn­daǵy Dolın jalpy orta bi­lim beretin mektebiniń 8-synyp oqýshysy Saıda Kabyshevaǵa buıyrsa, eki ekinshi oryndy Báıterek aýdanyndaǵy Kamen jalpy orta bilim beretin mek­tep­tiń 7-synyp oqýshysy Darıa Strebkova men Bórli aýda­nyndaǵy Aqbulaq mektep-bala­baqsha kesheniniń 7-synyp oqý­shysy Daıanna Toqtasyn ıe­len­di. Úsh úshinshi júldeni
Aq­jaı­yq aýdanyndaǵy Ǵabdolla Maham­betov atyndaǵy orta jal­py bilim beretin mekteptiń 8-synyp oqýshysy Dılıara Sársenǵalıeva, Qaztalov aýda­nyndaǵy Aqpáter orta jalpy bilim beretin mekteptiń 7-synyp oqýshysy Ádemi Aıtqalı jáne Oral qalasyndaǵy №35 mektep-lıseıiniń 8-synyp oqýshysy Ksenııa Dolıa bólisti. Al Sy­rym aýdanynda V.I.Shýbın atyn­daǵy orta mektebiniń 8-synyp oqýshysy Asylaı Tuıaqova men Oral qalasyndaǵy №42 «Aq­nıet» gımnazııasynyń 8-synyp oqýshysy Shalqyma Júnis arnaıy syılyqqa ıe boldy.

Baıqaýdyń barlyq jeńim­pazy arnaıy dıplommen, baǵaly syılyqtarmen marapattaldy.

 

Batys Qazaqstan oblysy

 

Sońǵy jańalyqtar

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Aýyldaǵy jurt áli senbeıdi

Qoǵam • Búgin, 13:23

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar