Qoǵam • 20 Qańtar, 2020

Ashyq ári ádil áleýmettik saty

38 retkórsetildi

Qazaqstan Prezıdenti Qasym-Jomart Toqaev Prezıdenttik jastar kadr rezervine engen 300 azamatpen júzdeskende «Halyq únine qulaq asatyn memleket» tujyrymdamasyna, memlekettik basqarýdy reformalaý máselesine qatysty paıymdy pikir bildirgen edi. Al osy syndarly irikteýden súrinbeı ótip, bolashaqta memlekettik basqarýǵa aralasatyn el jastary alǵa qoıǵan maqsattary, arman-murattary turǵysynda oramdy oı bólisedi. Kezeń-kezeńimen jaýapty qyzmetke ornalasa bastaǵan bul jastardyń jasampaz qadamy, tyń ıdeıalary, ordaly oı-tolǵamdary qaz-qalpynda berilip otyr. Marhabat...

Men qarapaıym temirjolshylar otba­synda týyp-óstim. Aqtóbe qala­syn­daǵy №32 qazaq mektep-gımnazııa­syn «Altyn belgimen» bitirgen soń L.N.Gýmılev atyndaǵy Eýrazııa ult­tyq ýnıversıtetiniń halyqaralyq qaty­nastar fakýltetine qujatymdy tapsyrdym. Eldestirmek elshiden degendeı – elshi bolý o bastaǵy armanym, júre­gimniń qalaýy bolatyn. Otandyq elı­tarlyq joǵary oqý ornyn memlekettik grantpen oqyp, alǵa qoıǵan maqsatyma qol jetkizýdiń alǵash­qy álippesin ashtym deı alamyn.

 Men tańdaǵan mamandyǵymdy ıgere júrip AQSh, Túrkııa jáne Qytaı sekildi irgeli memleketterde tıisti táji­rıbe men taǵylymdamadan ótken edim. Sonyń ishinde Qytaı elinde bilimimdi odan ári jalǵastyryp magıstratýrada oqydym. Ony da úzdik aıaqtadym. Sol kezde qytaılyq kom­panııanyń birinen qyz­metke shaqyrǵan usynys tústi. Alaı­da oǵan barýdan birden bas tartyp, óz Otanyma oraldym.

  Kóp keshikpeı týǵan jer tósindegi «Saǵyz Petrolıým» kompanııasyna qyzmetke ornalastym. Osy jyldardyń ishinde ana tiline qosa, orys, qytaı, aǵyl­shyn jáne túrik tilderin emin-erkin ıgere alǵanym qyzmetime ári shetel­dik áriptestermen qarym-qatynas ornatýǵa óz paıdasyn tıgizdi. Munyń bári birinshiden, Qazaqstannyń Tuń­ǵysh Prezıdenti N.Á.Nazarbaevtyń qazaq­standyq jastarǵa jan-jaqty bilim alýyna týǵyzǵan qamqorlyǵy dep ba­ǵalaýǵa bolady. Osy úrdis búgingi Memleket basshysy Qasym-Jomart Toqaevtyń tarapynan óz jalǵasyn tapqany sabaqtastyqtyń bir kórinisindeı áser beredi.

Atap aıtqanda, 2019 jyly Pre­zıdent Qasym-Jomart Toqaevtyń saılaýaldy baǵdarlamasynda memle­kettik qyzmetti odan ári jetildirý men tıimdiligin kóterý úshin el jastary arasynan kadr rezervin jasaqtaý jónindegi máseleniń belgilengeni maǵan úlken oı saldy. Mine, qazirgi kezde Q.Toqaevtyń saılaýaldy baǵdarlamasy naqty túrde júzege asyp, elimizde tuńǵysh ret Pre­zıdenttik jastar kadr rezervi irik­teldi.

Men sol ýaqyttyń ózinde atalǵan jas­tar rezervine qosylýǵa tıisti ázirlik jasaı bastadym. Mundaı asa jaýapty synǵa óz bilimim men biliktiligimdi odan ári kótere  túsý arqyly qosylǵandy jón kórdim. Osy arada munaı-gaz sektory salasynda buǵan deıin qol jetkizgen tabystaryn jańa asýlardy alýǵa óz yqpalyn tıgize aldy. Osy oraıda Baıǵanın aýdanynda munaı óndirý jáne shıkizat tasymaldaıtyn munaı qubyrynyń qurylysyna súbeli úlesimdi qosa alǵanymdy rııasyz kóńilmen aıta alamyn. Sonymen birge Mańǵystaý oblysyndaǵy Beıneý aýdanynda munaı-gaz salasy boıynsha ótkizilgen halyqaralyq saıysta ekinshi orynǵa ıe bolǵanymdy da laıyqty túrde maqtan tutamyn.

Búgingi ýaqytta «Bir beldeý, bir jol» baǵdarlamasy sheńberinde Shanhaı qalasyndaǵy Dýnhýa ýnıversıtetine oqýǵa shaqyrylýym maǵan kórsetilgen senimniń biri demekpin. Mine, osyndaı jetistikterim kadr rezervine qatysýǵa belgili bir deńgeıde alǵyshart qalaǵany anyq. Bul irikteý ádil ári ashyq túrde ótkizildi. Jeti kezeńnen turatyn ja­ýapty saıystar kezinde eki ret test tapsyryp, quzyrettilikti qorǵaý boıynsha kúrdeli synnan óttik. Tutastaı alǵanda Prezıdenttik jastar kadrlyq rezervin irikteý merıtokratııa qaǵıdattaryna negizdeldi.

Prezıdenttiń atalǵan bastamasy kásibı deńgeıi joǵary jastardyń jańa bıikterge jetýine taptyrmas múmkindik beretin ashyq ári ádil áleýmettik saty dep bilemin. Ári bul Memleket basshysy Qasym-Jomart Toqaevtyń jastarǵa degen seniminiń kórinisi. Jastar kadrlyq rezerviniń jasaqtalýy elimizdiń odan ári damýyna dańǵyl jol ashyp, jańasha serpin bere alatyny anyq. Sondaı-aq osy arqyly halyqqa qyzmet etýdiń ozyq ta jańasha úlgisi qoǵamdyq ómirge qadam basty deýge ábden bolady.

Buǵan deıin baspasózde habar­lan­ǵanyndaı, Prezıdenttik kadrlyq rezervine qatysýǵa 13 myń adam ótinish bergen bolsa, onyń tek 300-iniń ǵana baǵy janǵany aıtýǵa ǵana jeńil bolsa kerek. Solardyń biri bolǵanym men úshin úlken mereı. Bul meni jańa tabystar men jetistikterge qanattandyrady degen senimdemin.

 

Lıazzat ÁDILOVA,

«Saǵyz Petrolıým» JShS kompanııasy energetıkalyq bóliminiń bas menedjeri

 

 AQTО́BE

 

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar