Qazaqstan • 20 Qańtar, 2020

Aýyl sharýashylyǵy mınıstrligi mal eksportyn toqtatty

40 retkórsetildi

Tiri maldyń jappaı eksporty et ónimderi baǵasynyń ósýine negiz boldy. Sonymen qatar qalyptasqan jaǵdaı qazaqstandyq et óńdeý kásiporyndary men bordaqylaý alańdarynyń júktemesiniń tómendeýine alyp keldi. Ortasha alǵanda 2019 jyly qazaqstandyq et óńdeý kásiporyndary óz qýatyn tolyq paıdalana almaǵan. Olardyń tolyq jumys istemeýiniń negizgi sebebi tiri maldyń jappaı eksportynyń saldarynan shıkizat tapshylyǵy boldy. Bul týraly Aýyl sharýashylyǵy mınıstrliginiń baspasóz qyzmeti habarlady.

О́tken jyly Qazaqstannan shetelge 156 myń bas iri qara mal shyǵaryldy. Bul rette basym kópshiligi – 121,6 myń bas nemese 78%-y О́zbekstan Respýblıkasyna, taǵy 14% -y Armenııa eline eksporttalǵan.
 
Sondaı-aq elden 264 myń bas qoı shyǵarylǵan, onyń jartysynan astamy analyq bas. Usaq múıizdi maldyń basym bóligin, ıaǵnı 200 myńnan astamy (76%) О́zbekstan memleketine, 21,5 myń bas (8,1%) Reseı Federasııasyna, 18 myń bas (6,7%) Ázirbaıjan, shamamen 12 myń bas (4,5%) Iran eline tasymaldanǵan.
 
AО́K damytýdyń 2017-2021 jyldarǵa arnalǵan memlekettik baǵdarlamasyna sáıkes QR AShM qaıta óńdelgen ónim eksportyn 2,5 esege arttyrý mindeti tur.  Osyǵan baılanysty, bordaqylaý alańdary men et kombınattarynyń ótinishterine sáıkes Aýyl sharýashylyǵy jáne Qarjy mınıstrlikteriniń 2019 jylǵy 21 qazandaǵy «Aýyl sharýashylyǵy janýarlaryn shyǵarýdaǵy keıbir máseleleri týraly» birlesken buıryǵyna ózgerister engizý týraly sheshim qabyldandy. Aıta ketsek, atalmysh buıryq tek analyq mal basynyń eksportyn ýaqytsha shekteıtin. Bul ózgerister barlyq iri qara mal men usaq múıizdi maldyń jynystyq-jastyq toptary boıynsha tirideı basyn ózge elderge shyǵarýǵa (eksporttaýǵa) tolyq tyıym salady.
 
Mańyzdy qujattyń jobasy salalyq saraptama uıymdarymen jáne oblys ákimdikterimen kelisilip, «Atameken» UKP oń qorytyndysy alyndy jáne syrtqy saýda saıasaty jáne Halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń maquldaýy alyndy. Qazirgi ýaqytta múddeli memlekettik organdarymen kelisim jasalýda.
 
Atalǵan buıryqqa ózgerister engizý taıaýdaǵy jyldary qazaqstandyq mal basyn saqtap  ulǵaıtýǵa, otandyq et kombınattaryn qolaıly baǵamen sapaly shıkizatpen qamtamasyz etýge jáne daıyn óńdelgen ónimniń óndirisi men eksportyn arttyrýǵa múmkindik beredi.
Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar