Aımaqtar • 20 Qańtar, 2020

О́z qarjysyna kitaphana salǵan

36 retkórsetildi

Túrkistan oblysy Keles aýda­nynyń Jolbasshy aýylynda ereksheleý kitap­hana oqyrmandarǵa turaq­ty qyzmet kórsetip keledi. Alaqandaı aýyldyń rýhanı ordasyna aınalǵan kitaphanada 7 myń­nan as­tam kitap qory bar.

Qazaq ádebıeti, tarıhy já­ne ǵylymnyń túrli salasyna qatysty eńbekterden bastap, álem­niń klassık jazýshylarynyń shy­ǵarmalaryn da taba alasyz.

Ereksheleý deıtinimiz, kitap­ha­nany Gúlbala Sársenovanyń otbasy óz qarjysyna sal­ǵan. Aýyl­da buǵan deıin k­itap­ha­na­nyń jeke ǵımaraty bolmaǵan. Alǵa­shynda klýbtyń bir bu­ry­shyn panalap, keıin mekteptiń tar bólmesine ornalasqan. Kitap­hanashy Gúlbalanyń kóshken saıyn búlinetin kitaptarǵa jany ashıtyn. Jeke ǵımarat jónindegi oı da osy rýhanı azyqqa jana­shyr­lyqtan týyndasa kerek. Ot­basyndaǵy 5 ul-qyzdyń aldy stýdent. Olardyń da jaǵdaıyn, erteńin oılaý qajet. Degenmen otaǵasy Nurjan ekeýi aqyldasa kelip, kitaphana salý jóninde sheshimge keledi. «Kóp oılanbastan kózdi jumdym da nesıe aldym. Jubaıym qurylysshy. Iаǵnı, qurylysshylarǵa beretin qar­jyny únemdedik. Tek qana qurylys mate­rıaldaryn satyp aldyq. Mu­nan góri ózderińe «vremıanka» sa­lyp almaısyńdar ma, deýshiler de tabyldy. Maqsa­tymyzdan qaıtpa­dyq. О́ıtkeni halyq rýhanı baı bolýy kerek», deıdi G.Sársenova sol bir kún­derdi eske alyp.

Osylaısha materıaldyq qun­dy­lyqtan góri rýhanı jan azyq­ty artyq sanaǵan qarapaıym ki­taphanashy G.Sársenovanyń ot­basy ǵımarat salýmen qatar, qol­da bar kitap qoryn shashaý shy­ǵarmaı saqtap qaldy. Búginde Jol­basshy aýylynyń ǵana emes, tóńiregindegi birneshe eldi meken­niń turǵyndary osy jerde kitap oqyp, dúnıetanymyn keńeıtip keledi. Aýyl kitaphanasynyń bú­ginde 700-deı turaqty oqyrmany bar. Jylyna kitap izdep 9 myńdaı adam keledi eken. Sondaı-aq aýyl kitaphanasy kóptegen mádenı is-sharanyń uıytqysy bolyp otyr.

 

Túrkistan oblysy

 

Sońǵy jańalyqtar

COVID-19: Indet juqtyrǵandar sany 525-ke jetti

Koronavırýs • Búgin, 17:28

Qaraǵandy oblysy onlaın-oqytýǵa daıyn

Aımaqtar • Búgin, 16:41

? (Suraq belgisi) Poema

Ádebıet • Búgin, 16:23

Senzýrasyz Abaı

Rýhanııat • Búgin, 14:34

BQO: 108 myń oqýshy qashyqtan oqıdy

Aımaqtar • Búgin, 13:23

Qyzylorda: Bir aptanyń baıany

Aımaqtar • Búgin, 12:52

Mańǵystaýda qan tapshylyǵy sezilýde

Aımaqtar • Búgin, 12:26

Qyzylorda: Test synamalary jetkizildi

Aımaqtar • Búgin, 11:56

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Uqsas jańalyqtar