Ekonomıka • 20 Qańtar, 2020

Shaǵyn jáne orta bıznes korporatıvtik tabys salyǵy jergilikti bıýdjetke túsedi

24 retkórsetildi

Shaǵyn jáne orta bıznesten túsetin korporatıvtik tabys salyǵy jergilikti bıýdjetterge qosylady. Bul týraly Ulttyq ekonomıka mınıstrliginiń baspasóz qyzmeti habarlady.

Tıisti túzetýler jańa jyldan bastap kúshine enip, «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń ákimshilik-aýmaqtyq qurylysy, memlekettik basqarý júıesin jáne bıýdjetaralyq qatynastardy jetildirý, kredıtteý jáne bilim berý máseleleri boıynsha ózgerister men tolyqtyrýlar engizý týraly» zań arqyly qabyldandy.

Kózdelip otyrǵandaı, jańalyq jergilikti atqarýshy organdardyń óńirdegi iskerlik belsendiligin arttyrýǵa jáne ShOB-ty damytýǵa yntalandyrady.

Respýblıkalyq bıýdjetke KTS túsimi tek tizbe boıynsha iri kásipkerlik sýbektilerinen ǵana túsedi. Kásipkerlerdiń tizbesi Ulttyq ekonomıka jáne Qarjy mınıstrlikteriniń birlesken buıryǵymen úsh jylda bir ret bekitiledi.

Sondaı-aq oblys máslıhattaryna oblys jáne aýdan bıýdjetteriniń arasyndaǵy ShOB-tyń KTS-yn bólý normatıvterin belgileý quqyǵy beriledi.   

Buryn korporatıvtik tabys salyǵynyń túsimderi tolyq kólemde respýblıkalyq bıýdjetke túsetin.

Eske salsaq, arnaıy salyq rejimi qoldanylatyn mıkro nemese shaǵyn kásipkerlik sýbektileri, onyń ishinde biryńǵaı jer salyǵyn tóleýshiler korporatıvtik, jeke tabys salyǵyn (tólem kózinen ustalatynnan basqa), áleýmettik salyqty jáne biryńǵaı jer salyǵyn tóleýden úsh jylǵa bosatylady.

Mınıstrliktiń esebi boıynsha, tabys salyǵynan bosatý 1,2 mln mıkro jáne shaǵyn kásipkerlik sýbektilerine qoldanylady. Bul bızneske úsh jyl ishinde 380 mlrd teńgeden astam qarajat únemdeýge, bosaǵan qarajatty óz qyzmetin damytýǵa baǵyttaýǵa múmkindik beredi.

Bul túzetýler «Qazaqstan Respýblıkasynyń keıbir zańnamalyq aktilerine ońaltý jáne bankrottyq rásimderin, bıýdjet, salyq zańnamasyn jáne temirjol kóligi týraly zańnamany jetildirý máseleleri boıynsha ózgerister men tolyqtyrýlar engizý týraly» 2019 jylǵy 27 jeltoqsandaǵy № 290-VI Qazaqstan Respýblıkasynyń zańy arqyly qabyldandy.

Sońǵy jańalyqtar

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Aýyldaǵy jurt áli senbeıdi

Qoǵam • Búgin, 13:23

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar