Qazaqstan • 20 Qańtar, 2020

Qurylys maýsymyna daıyndyq jumystary júrip jatyr

29 retkórsetildi

Elimizde avtomobıl joldary salasynda jobalardy iske asyryp jatqan kompanııalar osy jyldyń sáýirine deıin qurylys qajettilikteriniń jyldyq qorynyń 70% daıyndaýǵa mindetti. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Jalpylaı alǵanda, 2020 jyly avtomobıl joldarynyń 4 myń shaqyrymy qurylys jumystarymen qamtylady dep josparlanýda. Bul maqsattarǵa jolshylarǵa shaqpaqtastardyń 27 mln tonnasy, temir-betondy buıymdardyń 50,5 myń tekshe metri, sementtiń 644 myń tonnasy men janar-jaǵarmaı materıaldarynyń 400 myń tonnasy qajet.

Oblystyq jáne aýdandyq mańyzy bar avtomobıl joldaryn, sondaı-aq, el qalalaryndaǵy kóshelerdi jóndeýdi  qosa alǵanda, mamandardyń esepteýinshe,  jol jabyndysyn salýǵa arnalǵan negizgi materıal – bıtýmnyń 984 myń tonnasy kerek. Osylaısha, respýblıkalyq joldar jelisine bıtýmnyń 524 myń tonnasy, jergilikti joldarǵa – 460 myń tonnasy qajet. Qurylys maýsymyna qazirgi tańda daıyndyq jumystary qarqyndy túrde júrgizilip jatyr. Jol kompanııalary materıaldardy daıyndaý jumystaryn qatań túrde kestege sáıkes júrgizbek nıette.

Aıta keteıik, qurylys maýsymynyń qyzǵan shaǵynda iske asyrylatyn jobalarǵa jol-qurylys tehnıkasynyń 10 myń biriligin, 77 ýatqysh qondyrǵylardy, 57 beton jáne 87 asfalt-betondy óndiretin zaýytty jumyldyrý josparlanǵan. Jalpylaı alǵanda, 2020 jyly avtomobıl joldary salasynda shamamen 100 myń adam eńbek etpek.

Sońǵy jańalyqtar

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Aýyldaǵy jurt áli senbeıdi

Qoǵam • Búgin, 13:23

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar