Qoǵam • 20 Qańtar, 2020

Bóten nómirli kólik ıeleriniń kóńiline alań kirdi

638 retkórsetildi

Sońǵy kezde Batys Qazaqstan oblysynda shetelde, sonyń ishinde Reseı Federasııasy men Armenııada tirkelgen kólik tym kóbeıip ketkeni ras. Eýrazııalyq ekonomıkalyq odaǵy elderinen ákelingen kólikterdi tirkeý tártibi qatań qadaǵalanatyny týraly eskertýden keıin «bóten nómirli» kólik ıeleriniń kóńiline alań kirdi.

Búginde Qazaqstanda resmı statıstıkaǵa sáıkes, shetelderden ákelingen 170 myńnan astam avtokólik tirkelgen eken.

Batys Qazaqstan oblystyq Polısııa departamenti baspasóz qyzmetiniń dereginshe, 2019 jyldyń 12 aıynda BQO aýmaǵynda sheteldik kólik quraldarynyń qatysýymen 1335 jol-kólik oqıǵasy tirkelgen. Onyń 1015-i – Reseıden kelgen kólikter, 320-sy – Armenııadan ákelingen kólikterge tıesili. Sonyń ishinde 147 júrgizýshi oqıǵa ornynan qashyp ketken. О́kinishtisi, osy oqıǵalardan úsh adam qaza tapty.

Batys Qazaqstan oblysynyń polısııa departamenti «Jolda qabyldaý» sharasyn ótkizip, kólik ıeleriniń barlyq saýalyna jaýap berýge kiristi.

BQO Polısııa lepartamenti Ákimshilik polısııa basqarmasynyń bastyǵy Janbolat Janshın Eýrazııalyq ekonomıkalyq odaq aýmaǵynda tirkelgen kólik quraldary Qazaqstan aýmaǵyna bir jylǵa deıingi merzimge ákelinýi múmkin deıdi.

– Bul rette Qyrǵyz Respýblıkasynda jáne Armenııa Respýblıkasynda tirkelgen avtokólikti sol elderdiń aýmaǵynda turaqty turatyn azamattar ǵana Qazaqstanǵa ákele alady. Al Qazaqstan Respýblıkasynyń azamattaryna atalǵan kólik quraldaryn ákelýge jáne paıdalanýǵa, sondaı-aq olardy ıelikten shyǵarýǵa, basqa adamdarǵa paıdalanýǵa berýge kedendik resimdeýden ótken jáne tólengen jaǵdaıda ǵana múmkin bolady. Avtokólikti sheteldik esepke ala otyryp satyp alǵan ıeleri kólik quraldaryn ýákiletti organda satyp alǵannan keıin on jumys kúni ishinde tirkeýge mindetti. Ol úshin arnaıy HQKO-ǵa júginý qajet. Tirkeý somasy kólik shyǵarylǵan jylǵa jáne qozǵaltqysh kólemine baılanysty, - dedi Janbolat Jasqaıratuly.

Aıta ketý kerek, sheteldik kólikterdi tirkeý talaptaryn oryndamaǵan adamdar QR ÁQBtK-niń «Kólik quraldaryn paıdalaný erejelerin buzý» baby (590 bap, 2-bólik) boıynsha ákimshilik jaýapkershilikke tartylady. Olarǵa 10 AEK (26 510 teńge) kóleminde aıyppul kesilip, kólik arnaıy ýaqytsha saqtaý alańyna qoıylady.

Degenmen, kólik ıeleriniń arasynda bul tártipke narazylyq kórsetip jatqan jandar kóp.

- Eger mundaı talap burynnan bolsa, nege sol 2014-2015 jyldan beri júzege asyrylmady? Qazaqstanda sheteldik kólik munsha kóbeımes edi ǵoı. Endi bul kólikti esepke qoıý quny óte qymbatqa, sol kóliktiń óz baǵasynan birneshe ese artyq baǵaǵa shyǵyp tur. Bizdiń talabymyz – bul kólikterdi kedendik rásimdeý baǵasyn tómendetý kerek nemese burynǵysha júre berýge ruqsat etilýi tıis, - deıdi shetelde tirkelgen kólik ıeleriniń biri Erbolat Musaǵalıev.

Bóten nómirli kólik ıeleri Oral qalalyq ákimdigine osy máselege oraı beıbit mıtıng ótkizý jóninde ótinish bergenimen, ruqsat berilgen joq. Batys Qazaqstan oblysynyń polısııa departamenti joǵaryda aıtylǵandaı, ashyq esik sharalaryn ótkizip, turǵyndardyń usynystaryn, saýaldaryn tyńdap, olardy sheshý máselelerin barynsha qarastyryp jatyr. Qańtardyń 17-18 kúnderi polısııa qyzmetine 268 adam túrli saýalmen júgingen. Bir táýiri, oblystyń ár aýdanynda arnaıy shtab qurylyp, turǵyndardyń saýaldaryna jaýap berilýde. Kóbine mundaı aksııa adam kóp shoǵyrlanatyn jerde ótkiziledi. Bul aksııa azamattar úshin óte yńǵaıly, tıimdi bolyp tur.

– Eger bizdiń azamattarymyz basqa memleketterde avtokólik satyp alsa jáne osy memlekettiń ýákiletti organynda tirkelse, onda mundaı kólik Qazaqstanda satyp alǵannan keıin on jumys kúni ishinde barlyq alymdar men baj salyǵyn tóleı otyryp tirkelýi tıis. Bul talaptardyń buzylýy el joldaryndaǵy kólik tártibiniń jaı-kúıine teris áser etedi, - deıdi BQO PD Ákimshilik polısııa basqarmasynyń bastyǵy.

Aıta keteıik, «Jolda qabyldaý» aksııasynyń ótý barysy «Policebqo» Instagram paraqshasy arqyly tikeleı efırde júrip, azamattardan kelip túsken suraqtarǵa da sol sátte jaýap qaıtaryldy. Eki kún turǵyndardan 268 ótinish túsip, olardyń barlyǵy sol sátte qaralyp, sheshimin tapqan.

 

Batys Qazaqstan

Sońǵy jańalyqtar

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Aýyldaǵy jurt áli senbeıdi

Qoǵam • Búgin, 13:23

Jambyl jerindegi júıesiz jumystar

Aımaqtar • Búgin, 13:13

Eriktilerge el alǵys aıtty

Aımaqtar • Búgin, 11:16

Qazalyda saqtyq sharalary kúsheıtildi

Aımaqtar • Búgin, 10:52

Uqsas jańalyqtar