Aımaqtar • 20 Qańtar, 2020

Mańǵystaý oblysynda 305 bóbekjaı men 154 mektep jumys istep tur

57 retkórsetildi

- Qazirgi ýaqytta bizdiń óńirimizde memlekettik jáne jeke menshiktegisin qosa alǵanda 3-6 jas aralyǵyndaǵy 36 myń 500 balany qamtıtyn 305 bóbekjaı bar. Onyń ishindegi 30 mektepke deıingi bilim berý nysany ótken jyly ashyldy. Nátıjesinde mańǵystaýlyq búldirshinderdi balabaqshamen qamtý júz paıyzǵa jetkenin kórip otyrmyz. Memlekettik baǵdarlamalarǵa sáıkes endi turǵyndardy balabaqshamen qamtý 1-6 jastan bastalatyny belgili,  - dedi qoǵamdyq kommýnıkasııalar ortalyǵynda ótken brıfıngte oblystyq bilim basqarmasynyń basshysy Asqar Seıdalıev.

Orta bilimge qatysty keltirilgen resmı málimetterge kelsek, qazirgi ýaqytta óńir boıynsha jeke, keshki, orta jáne jalpy bilim berý, arnaıy oqytý nysandaryn qosa alǵanda bas-aıaǵy 154 mektep bar. Olarda 150 myń oqýshy oqıdy. 2019 jyly eki mektepke 320 oryndyq qosymsha oqý ǵımaraty jalǵanyp, qoldanysqa berilgen.

О́zektiligin áli de joımaı turǵan másele - úsh aýysymdylyq. Osy sanattaǵy bilim berý nysandarynyń sany 2018 jyly alty mektep bolǵan bolsa, 2019 jyly toǵyzǵa jetti. «Naqtylaý jumystary aıaqtalǵan soń bul kórsetkish bıyl da ósýi múmkin degen boljam bar. Buǵan jyl sanap atamekenine oralǵan qandastarymyzdyń sany men tabıǵı bala týýdyń artýy sebep» deıdi mamandar.

- Osy jylǵa jospar boıynsha úsh mekteptiń qurylysyn aıaqtaımyz. Olar Túpqaraǵan aýdanynyń Aqshuqyr eldi mekeninde, Munaıly aýdanyndaǵy Batyr selosynda jáne Aqtaýdyń 34-shi shaǵyn aýdanynda boı kóterýde. Sondaı-aq aldaǵy bes jylda salynýy tıis 18 mektep pen 5 orta bilim berý mekemesine qosymsha oqý ortalyǵynyń jobalyq-smetalyq qujattaryn daıyndap jatyrmyz. Bul jobalar memleket tarapynan qarjylandyrýmen júzege asady, - dedi Asqar Ábıuly.

Bilim basqarmasy basshysynyń sózinshe, 2020 jyly taǵy alty jeke mektep salý josparda tur. Bul jobalar qujatynda Aqtaý qalasy men Munaıly aýdanynda júzege asýy dep kórsetildi. Budan basqa memlekettik-jekeshelik áriptestik negizinde oblys ortalyǵynda eki birdeı orta bilim nysany men toǵyz balabaqsha qurylysyn bastaý kún tártibine qoıylǵan.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar