Aımaqtar • 20 Qańtar, 2020

Túrkistan oblysynda apparat jınalysy ótti

302 retkórsetildi

Túrkistan oblysy ákimi О́mirzaq Shókeevtiń tapsyrmasyna sáıkes jańa baǵdarlama paıda boldy. Bul týraly oblys ákimdiginiń baspasóz qyzmeti habarlady.

«Qamqorlyq» aımaqtyq baǵdarlamasy óńirde ómir súrip jatqan kómekke asa muqtaj jandarǵa demeý bolmaq. Bul shara memleket tarapynan beriletin járdemaqy men kómekten bólek júzege asady. Turmys taýqymetin tartqan mundaı otbasylarǵa jan-jaqty qamqorlyq kórsetý arqyly, kedeıliktiń sheńberinen shyǵýǵa múmkindik beredi. Olarmen aýdan, aýyl ákimderi tikeleı jumys júzgizetin bolady.

Joqshylyqta ómir súrip jatqan jandarǵa jergilikti qazynadan elimizde bekitilgen eń tómengi kúnkóris deńgeıiniń mólsherindegi qarajat bólinip, otbasynyń eńbekke qaýqary bar músheleri jumysqa tartylady. Olardy anyqtaý úshin arnaıy komıssııa qurylmaq. Onyń quramyna aýyl aqsaqaldary men jergilikti belsendiler de qosylady. Atalǵan sharaǵa demeýshiler de atsalysady. Jıynda oblys basshysy kómekke asa zárý jandardyń aıaqtan turýyn baqylaýda ustap, ondaı otbasylardy jeke aralaıtynyn qadap aıtty.

Májilis barysynda «Pedagog mártebesi týraly» zań jobasy jaıly aıtylyp, oblystyń bilim salasyndaǵy birqatar máseleler talqylandy. О́ńirde daryndy balalarǵa arnalǵan 8 aýdanda mektep ashý máselesi sheshilýde. Bes kolledj «Jas maman» jobasyna enip, olardy negizgi qural-jabdyqtarmen qamtamasyz etýge respýblıkalyq bıýdjet esebinen 1,6 mlrd teńge qarjy bólingen. 3 kolledj senimgerlik basqarýǵa berilýde. Mektep oqýshylarynyń sany jyl saıyn 20 myńǵa artady. Osyǵan oraı birqatar aýdandarda jańa bilim uıasyn salý máselesi ózekti. Kompıýtermen qamtamasyz etý jaǵy da sheshýdi talap etedi. Sondaı-aq, mektepterde qosymsha bilim berý maqsatynda sport úıirmeleri men Oqýshylar saraılary ashylady. Aımaq basshysy barlyq aýdan ákimderine bilim salasyna kóńil bólip, mańyzdy máselelerdi sheshýdi tapsyrdy.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar