Medısına • 21 Qańtar, 2020

Flıýorografııalyq tekserýden ótý mańyzdy

46 retkórsetildi

Jýyrda belgili bir mekemede qaýipsizdikke tekserilý maqsatynda qoıylǵan qurylǵydan aıaǵy aýyr qyzmetker áıeldi ótýge májbúrlegen kúzet saqshylarynyń áreketi qoǵam tarapynan synǵa ilikti. Álbette, dárigerler júktilik merziminde sáýlelený qaýpi bar barlyq qurylǵylardan aýlaq júrýge keńes beredi. Alaıda búginde strategııalyq mańyzy bar keıbir mekemelerdiń qyzmetkerleri arasynda atalǵan másele ońtaıly sheshimin tappaı otyrǵan syńaıly.

Qoǵamdyq densaýlyq saqtaý ulttyq ortalyǵy Infeksııalyq emes aýrýlardyń aldyn alý departamentiniń skrınıngtik baǵdarlamalardy monıtorıngileý bóliminiń bas mamany Gúljan Końyrshınanyń aıtýynsha, júkti áıelder, ásirese birinshi trımestrde flıýorografııadan ótýine tyıym salynady. Sondyqtan olarǵa kez kelgen sáýlelený qaýpi bar qurylǵydan ótý de qaýipti.

Osy oraıda flıýorografııalyq tekserilýdi neshe jastan bastap ótýge bolatyny, jylyna qansha ret ótý qajettigi kez kelgen adamǵa qajetti aqparat ekeni daýsyz.

«Keýde qýysynyń flıýorografııasy – keýde qýysy men ókpe organdaryn rent­ge­no­logııalyq tekserýdiń profı­lak­tıkalyq jáne dıagnostıkalyq ádisi. Keý­de qýysynyń flıýo­rografııasy obyrdy, týberkýlezdi jáne ókpeniń aýrýlaryn anyqtaý úshin skrınıngtik zertteý bolyp tabylady», dedi G.Końyrshına.

Mamannyń aqparaty boıynsha, flıýo­rografııa dıagnostıkalyq maqsatta jylyna 1 ret barlyq eresekter men 15 jas­tan bastap jasóspirimderge júrgiziledi. Alaıda osy tekserý jıi júrgiziletin adamdar toby bar (jylyna 2 ret). Bul sanatta «zııandy óndiriste» jumys isteıtin adamdar (bolat quıý, ken óndirý, rezeńke, asbest, polıpropılen óndirý zaýyttary, sondaı-aq hımııalyq kásiporyndar), balalarmen jumys isteıtin adamdar (pedagogter, tárbıeshi), perzenthanalardyń, týber­kýlezge qarsy dıspanserlerdiń, ın­feksııalyq bólimshelerdiń jáne perı­na­taldyq ortalyqtardyń medısına qyz­met­ker­leri jáne sozylmaly patologııalary bar emdelýshiler (demikpe, qant dıabeti, ókpeniń sozylmaly obstrýktıvti aýrýy jáne t.b.). Dárigerlerdiń aıtýynsha, barlyq rentgenologııalyq zertteýlerdi 14 jasqa deıingi jasóspirimderge ótýge bolmaıdy. Sonymen qatar 15 jasqa tolmaǵan tul­ǵa­lar jáne júkti áıelderge de tyıym sa­ly­nady. Jalpy, flıýorografııa áıel­derde bosanǵannan keıingi alǵashqy kún­de­ri týberkýlezdi anyqtaý maqsatynda júr­gi­zile­di. Prosedýradan keıin sút porsııasyn súzip tastap, sodan keıin ǵana balany emizýdi jal­ǵas­tyrýǵa bolady.

Gúljan Qońyrshına atap ótkendeı, flıýorografııa arnaıy daıyndyqty qajet etpeıdi jáne kez kelgen ýaqytta ótkiziledi. Zertteýdiń negizgi qaǵıdalaryna toqtalar bolsaq, zertteý júrgizer aldynda birneshe saǵatqa temeki shegýden bas tartý kerek – bul anyq jáne aıqyn kórinisti alýǵa múmkindik beredi. Emshara bastalǵanǵa deıin deneniń joǵarǵy bóligin ashyp, emshara aldynda barlyq metall zattardy (shynjyrlar, kýlondar, t.b.), sondaı-aq bet pen deneden quramynda metall bar kosmetıkany alyp tastaý kerek. Áıelderge bıýstgalter sheshýdi nemese ilgekti sholýǵa túspeý úshin belge túsirýdi talap etedi, sondaı-aq uzyn shashty sýretke kedergi jasamaýy úshin tóbege jınap tastaý usynylady. Zertteý tek tik jaǵdaıda júrgiziledi, sondyqtan bul jatqan naýqasqa taǵaıyndalmaıdy. Flıýoro­gr­afııa kezinde rentgenologtyń barlyq usy­nys­taryn dál oryndaý kerek. Sýret barynsha tereń demalǵanda jasalady, bul kezeńde ókpe jaqsy ashylyp, tolyq sýretti alýǵa múmkindik beredi.

Árıne ókpe flıýorografııasy patologııa týraly naqty aqparat bermeıdi, biraq ókpe tinderindegi ózgeristerdi, suıyqtyqtar men jańa óskin jasýshalarynyń paıda bolýyn der kezinde dıagnostıkalaýǵa múmkindik beredi.

 

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Uqsas jańalyqtar