Saıasat • 21 Qańtar, 2020

Kásipkerlikti qoldaý jalǵastyrylady

34 retkórsetildi

«Damý» qory – mıkro, shaǵyn jáne orta kásipkerlikke memleket qoldaýyn usynatyn negizgi ulttyq ınstıtýt. Keshe Prezıdent janyndaǵy Ortalyq kommýnıkasııalar qyzmeti alańynda qordyń basshylyq quramy baspasóz konferensııasyn ótkizdi.

Qor negizinen 4 qarjylyq qural usynady. Bul –  jeńil­dik­pen nesıelendirý; syıaqy mólsherlemesin sýbsıdııalaý; nesıege kepil bolý; onlaın oqytý jáne klıentti qarjy ınstıtýttaryna deıin jeteleý.

Osy atalǵan qarjy qural­da­­ryn paıdalana otyryp, qor 85 myń jobaǵa 5,3 trln teńge ból­gen.

Basqarma tóraıymy Gaýhar Bóribaevanyń aıtýynsha, ótken jyly qor qazaqstandyqtardyń bıznespen aınalysýyna jaǵdaı jasaýǵa basa nazar aýdarǵan. Qa­zir álemdik ekonomıkanyń da­mý­ynda shaǵyn jáne orta kásip­ker­lik­tiń kóbeıip, turaqty jumys oryn­daryn ashýdyń mańyzy zor. Bul óz kezeginde halyq­tyń ál-aý­­qatynyń kóteri­lýine ser­pin bere­di. Ekonomı­kany ártarap­tan­dy­rý, tabıǵı resýrs­tarǵa táýel­di­likti tómendetý úshin shaǵyn já­ne orta kásipkerlikti damytý kerek.

2019 jyly el Úkimeti «qara­paıym zattar ekonomıkasyna» basymdyq beretin jobalardy qoldaý baǵdarlamasyn iske qosty. «Bıznestiń jol kartasy-2020» baǵdarlamasy bekitildi. Shaǵyn jáne orta kásipkerlikke qoldaý kórsetetin birqatar memlekettik baǵ­dar­lamalar jetildirildi. Qor – osy baǵ­darlamalardy júze­ge asyrý­daǵy negizgi qarjy opera­tor­larynyń biri.

Atalǵan uıym Ulttyq qor ese­binen óńdeý ónerkásibi sala­syn­daǵy kásiporyndardy qoldaý baǵ­dar­lamasyn, «Eńbek» baǵdar­lamasyn, ADB jáne EQDB qarajaty esebinen shaǵyn jáne orta bıznestegi áıelderdi qoldaý baǵdarlamalaryn, ákimdiktermen birlesken shaǵyn jáne orta bıznes sýbektilerin qoldaýdyń bas­qa da baǵdarlamalaryn óz qara­jaty nemese syrttan tartylǵan qarajat esebinen júzege asyryp keledi. Jalpy alǵanda, EDB, MQU arqyly jeńildikpen qar­jylandyrý baǵdarlamasy boıyn­sha 61 myń boryshkerge jalpy somasy 2,2 trln teńge nesıe be­rilgen. 2019 jyly 18,7 myń joba 228 mlrd teńgege qarjylan­dyrylǵan.

2019 jyly barlyq baǵdarlama boıynsha syıaqy mólsherlemesi sýbsıdııalanǵan jobalar sany 2 641-ge jetip, nesıe somasy 269,8 mlrd teńge bolyp, ósim 80 paıyz­ǵa art­ty. Nesıe somasy 36%-ǵa art­­qan. Jalpy alǵanda, ótken jy­­ly sýb­sıdııalanǵan 15,5 myń jo­ba 2,8 trln teńgege qoldaý alǵan.

2019 jyly kepildik beretin barlyq baǵdarlamalar boıynsha qoldaý alǵan jobalar sany 2 673-ge jetti. Bul – 2018 jylmen salystyrǵanda 38%-ǵa artyq. Nesıe somasy 102,7 mlrd teńgeni, al kepildik somasy 40,4 mlrd teńgeni qurady. Jalpy alǵanda, baǵdarlama júzege asyrylǵan ýaqyt ishinde kepildendirý quraly arqyly 8,6 myń joba 302 mlrd teńgege qoldaý alǵan.

«Damý» qory 2019 jyly 23,5 myń kásipkerge qoldaý kórsetken, al qor baǵdarlamalary boıynsha qarjylandyrylǵan nesıe somasy 600 mlrd teńgedan asty. Por­talda kásipkerlerdiń óz joba­la­rynyń memleketten kómek alýǵa sáıkes keletinin nemese kelmeıtinin tekserýge; sýbsıdııa nemese kepildik alýǵa, jeńil nesıe alýǵa ótinimdi online rejimde berýge múmkindigi bar.

Memleketten qoldaý alǵan kásip­kerler Qazaqstannyń áleý­met­tik-ekonomıkalyq damýyna zor úles qosýda. Atap aıtqan­da, 2019 jyl ishinde aldyn ala mál­im­etter boıynsha qor qoldaý ber­gen klıentter 5 550 mlrd teń­geniń ónimin shyǵaryp, 450 mlrd teńgeden astam salyq túsirgen.

 

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar