Medısına • 21 Qańtar, 2020

Otandyq startap aımaq medısınasyna qandaı ózgeris ákeldi?

40 retkórsetildi

SOS medısınalyq júıesin Mańǵystaýda alǵashqy bolyp oblystyq perınataldyq ortalyǵy ornatqan bolatyn. Jobanyń jetekshisi, qoǵamdyq densaýlyq saqtaý sarapshysy Nurtýǵan Mumamedalıev ortanylǵanyna 1 jyldan asqan ýaqyt ishinde onyń qandaı paıda ákelgendigine kóz jetkizý úshin, Nur-Sultan shaharynan arnaıy Aqtaý qalasyna keldi. 2014 jyly qolǵa alynǵan otandyq jobaǵa qoldaý bildirgen perınataldyq ortalyǵynyń basshysy Jamal Jamanbaevaǵa alǵysy sheksiz ekendigin jetkizdi. Bul týraly Mańǵystaý oblystyq Densaýlyq saqtaý basqarmasy baspasóz qyzmeti habarlady.

Aıta ketý kerek, júıe boıynsha qabyldaý bóliminiń kezekshisi shuǵyl jáne qarqyndy medısınalyq kómekti qajet etetin júkti áıelder túsken kezde «SOS» shuǵyl shaqyrý pýltin basyp, qajetti mamandardy shaqyra alady. Al shaqyrtylǵan dárigerler nemesse medbıkeler shuǵyl áreket etip, qabyldaý bólimine túsken naýqasty ota jasaý bólmesine kedergisiz jetkizedi nemese basqa da kómekter kórsete alady. Barlyq aýrýhana bólimderiniń qyzmetkerleri «SOS medısınalyq júıesi» boıynsha oqýdan ótken, ásirese reanımatolog, akýsher-gınekolog, jaýapty kezekshi dáriger, dırektordyń emdeý isi jónindegi orynbasary, laborant, dárigerler men meıirbıkeler. 

Mańǵystaý oblystyq «Ana men bala» ortalyǵynyń dırektory Jamal Jamanbaevanyń aıtýynsha, «SOS medısınalyq júıesi» jobasynyń máni – naýqastarmen qyzmetkerlerge arnalǵan ınnovasııalyq qaýipsizdik tehnologııalaryn qurýǵa baǵyttalǵan. Atalmysh jobanyń iske qosylǵanyna 1 jyldan sál asqan jáne batys óńirinde alǵashqy bolyp qondyrǵan da osy perınataldyq ortalyq bolyp tabylady.

- Bul júıe óte yńǵaıly, eń aldymen emdelýshiler men medbıkeler arasynda tikeleı baılanys ornatýǵa múmkindik berip otyr. Perınataldyq ortalyqqa shuǵyl túrde jetkizilgen júkti áıelderge ota bólmesine aparý qajettigi týyndasa, SOS tetigin basý arqyly medbıkeler kómekke shaqyrylyp, qandaı qajettilik kerektigi aıtylady. Bylaısha aıtqanda uıaly telefonnyń rólin atqarady deýge bolady. Eń bastysy ýaqyt joǵaltpaı naýqastarǵa sapaly qyzmet kórsetiledi jáne qajetti kómek 40 sekýnd pen 1 mınýt aralyǵynda jasalady. Kóbine qabyldaý bólimi, bosaný zaly, bosanýdan keıinge bólim jáne reanımasııa bir-birimen jıi baılanysady. О́te yńǵaıly ári paıdaly ekendigine kóz jetkizdik. Búignde elimizde mindetti áleýmettik medısınalyq saqtandyrý engizilgennen keıin, osyndaı jobalar medısınalyq uıymdar tarapynan qoldaý tapqany durys dep esepteımin,- deıdi Jamal Ábdibekqyzy.

SOS  medısınalyq júıesi «Densaýlyq» baǵdarlamasy aıasynda júzege asyrylýda. Máselen naýqastyń jaǵdaıy aýyrlap, jedel kómek kerek  bolǵan jaǵdaıda qoldanylady. Tetikti bassańyz jetip jatyr, kezekshi medbıkege shuǵyl habar jetedi. Osylaısha qyzmet kórsetý sapasyn arttyryp, ýaqyt únemdeledi jáne naýqastarǵa baqylaý kúsheıedi. SOS  medısınalyq júıesi oblystyq perınataldyq ortalyǵynyń 13 núktesine ornatylǵan. Taǵy bir ereksheligi emdelýshilerden túsken barlyq aryz-shaǵymdar men málimetterdi ortalyq dırektory óz baqylaýynda ustap otyrady.

-Bul júıe naýqastardyń qaýipsizdik deńgeıin joǵarylatýǵa jáne medısınalyq qyzmet kórsetý sapasyn odan ári arttyrý maqsatynda ornatqan bolatynbyz. Osy ýaqytaqa deıin 3000-nan astam josparly jáne shuǵyl shaqyrtýlar jasalǵan. «Medısınalyq ınsıdent» degen termın bar, barlyq áreketter osy júıe arqyly tirkeledi. Bul júıe 2014 jyly quryldy jáne avtorlyq quqyq ıegeri atanyp otyrmyz. Jalpy SOS medısınalyq júıesi Nur-Sultan qalasyndaǵy qazirgi EXPO aýmaǵyndaǵy «Astana Hub» degen ınnovasıondy IT - tehnoparkinde jalǵasýda jáne qazirgi ýaqytta 2.0 nusqasy jasalýda. Qysqasha aıtqanda sol Astana parkiniń alǵashqy túlegi bolyp eseptelemiz. Otandyq ınnovasııalyq tehnologııany alǵashqy bolyp qoldaǵan Jamal Jamanbaeva jetekshilik etetin Mańǵystaý oblystyq perınataldyq ortalyǵy. Bul óńirde týý kórsetkishi joǵary. Bir mezgilde júkti áıelderdi jatqyzatyn oryn tapshylyǵy sezilýi múmkin jáne mundaı kezde shuǵyl qımyldaýǵa týra kelip jatatyn kezder bolýy múmkin, deıdi ol.  

Búginde atalmysh otandyq jobaǵa qyzyǵýshylyq tanytyp jatqan medısınalyq mekemeler az emes. Mańǵystaý oblystyq perınataldyq ortalyǵynan keıin Beıneý aýdandyq aýrýhanasy SOS  medısınalyq júıesin ornatqan.

 

 

Mańǵystaý oblysy

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Uqsas jańalyqtar