Aımaqtar • 21 Qańtar, 2020

Ońdasyn Orazalın kemshilikterge jol bergen basshylarǵa aıaýshylyq tanytpaýdy tapsyrdy

315 retkórsetildi

Oblys ákimi Ońdasyn Orazalınniń tóraǵalyǵymen ótken jyly óńirde atqarylyǵan jumystardy  saraptaýǵa arnalǵan keńeıtilgen apparattyq otyrys ótti.

Jıynǵa oblys ákiminiń orynbasarlary, departament, basqarma basshylary jáne vıdeobaılanys arqyly qala, aýdan ákimderi qatysty. Aımaq basshysy aldymen áleýmettik-ekonomıkalyq kórsetkishterdiń artqanyn atap ótti.

«Oblystyń qysqa merzimdi ekonomıkalyq ındıkatory 105,7% qurap, ónerkásip – 105,9%, ınvestısııa – 107,5%, aýyl sharýashylyǵy – 103,7%, bólshek jáne kóterme saýda – 104,9%, qurylys – 105,8%, turǵyn úıdi paıdalanýǵa berý – 112,4% qurady»,- dep atap ótti oblys ákimi.

Budan soń, oblys ákiminiń orynbasary Rýslan Mamýnov  óńirdiń 2019 jylǵy áleýmettik-ekonomıkalyq damýynyń qorytyndysy men 2020 jylǵa qoıylǵan  mindetteri týraly baıandady. Sońǵy úsh jyl qatarynan  óńirdiń ekonomıqalyq ósimi 5% qurap, barlyq áleýmettik-ekonomıkalyq kórsetkish kólemi artqan. Qazir oblysta taý-ken óndirý sektorynda  200-ge jýyq kásiporyn jumys isteıdi, olar jyl saıyn shamamen 6 mln tonna munaı ónimderin, 6 mln tonna hrom rýdasy, 4,5 mln tonna hrom konsentrattary, 3 mln tonna mys kenderi, sondaı-aq 400 myń tonna quramynda altyny bar kender jáne 300 myń tonna mys konsentrattary óndiriledi.

Sonymen qatar, Rýslan Mamýnov óńirge ınvestısııa tartý búgingi kúni basty maqsat bolyp otyrǵanyn jetkizdi. Investısııanyń NKI ósýi 107,5% qurap, 600 mlrd teńgege jýyq tartylǵan. Degenmen, Yrǵyz Shalqar jáne Baıǵanın aýdandary ınvestısııa tartýda kórsetkishteri tómen.

Oblystaǵy qurylys kesheni, jol ınfraqurylymyn, turǵyn úı-kommýnaldyq sharýashylyǵyn  damytý boıynsha atqarylǵan sharalar jaıyn baıandaǵan oblys ákiminiń orynbasary Rahat Sydyqov óńirde qurylys jumystarynyń kólemi 194 mlrd teńgeni qurap, 2018 jylǵy deńgeıden 5,8% asqanyn aıtty. 1,02 mln sharshy metr turǵyn úı paıdalanýǵa berilgen. 2020 jyly «Baqytty otbasy» baǵdarlamasyn iske asyrý úshin 7,5 mlrd teńge bólinedi. 2020 jyly somasy 31,9 mlrd quraıtyn 98 iri joba iske qosylýy josparlanyp otyr. Qazirgi tańda respýblıkalyq jáne oblystyq bıýdjettiń qarjylandyrý esebinen jalpy quny 4,3 mlrd teńgege 15 gazdandyrý jobasy júzege asyrylýda. 2020-2022 jyldardyń respýblıkalyq bıýdjetin qalyptastyrýǵa sýmen jabdyqtaý boıynsha quny 9,7 mlrd teńgeni quraıtyn 16 joba qoldaý tapqan.

Oblys ákimi osy tusta qurylysy uzaqqa sozylǵan nysandardy synǵa aldy.

«Biz mektep, deneshynyqtyrý ǵımarattary, áleýmettik nysandar salý kerek deımiz, bıýdjetten tıisti qarajat bólinip otyr, qurylystardyń tym uzaqqa sozylýyna kim kináli?» degen aımaq basshysy kemshilikterge jol bergen basqarma basshylaryna aıaýshylyq tanytpaýdy, tipti  jumystan bosatyp,  tártiptik shara qoldanýdy eskertti.

Oblys ákiminiń orynbasary Qaırat Bekenov ónerkásip, bıznesti damytý baǵdarlamalarynyń júzege asyrylýyna toqtaldy. 2019 jyly ónerkásip kólemi 1,9 trln teńgeni qurap, 600 mlrd teńgege ónim  óndirilgen. О́ńirdegi kásiporyndar jalaqyny arttyrǵan. 2 176 kásiporyn 75 203 qyzmetkeriniń jalaqysyn ortasha eseppen 10-15%-ǵa kóterdi. 2020 jyly  28 iri jáne orta kásiporyn 22 053 qyzmetkerdiń eńbekaqysyn arttyrýdy josparlap otyr. Kásipkerlikti damytý boıynsha  damý ınstıtýttary arqyly qarjylandyrýdyń barlyq kózderinen  2,1 myń kásipkerlik sýbektisine 33 mlrd teńge kóleminde qoldaý kórsetildi.

j

Oblystaǵy agroónerkásip kesheniniń kórsetkishi jaıyn baıandaǵan oblys ákiminiń orynbasary Amanǵalı Berdalın  aýyl sharýashylyǵy salasynda 275,2 mlrd teńgeniń ónimi óndirilgenin jetkizdi.  «Aqtóbe oblysyndaǵy  agroónerkásip keshenin damytýdyń 2020-2025 jyldarǵa arnalǵan óńirlik baǵdarlamasy» boıynsha tıisti jumystar júrgiziletinin atap ótti. Oblys ákimi apparatynyń basshysy Nurjaýǵan Qalaýov 2019 jylǵy memlekettik organdardyń atqarýshylyq tártibin baıandady.

Jıyndy qorytyndylaǵyn aımaq basshysy atqarylǵan jumystarǵa baǵa bere otyryp, barlyq salada qarqyndy damytýdy qamtamasyz etý kerek ekenin aıtty.

«Jalpy, jyl qorytyndysynyń kórsetkishi jaman emes, degenmen sheshýdi qajet etetin  kemshilikter de  jeterlik. Árqaısysyńyz óz salalaryńyzǵa qatysty qorytyndy shyǵaryp turǵyndardyń ál-aýqatyn arttyrý, óńir ekonomıkasynyń damýyna jumylyp jumys jasaý kerek»,-dedi Ońdasyn Orazalın.

Sonymen qatar, orynbasarlaryna, basqarma basshylaryna, qala, aýdan ákimderine halyqpen tyǵyz qarym-qatynas ornatýdy, olarmen  kezdesýler uıymdastyryp, Úkimet tarapynan qabyldanyp jatqan túrli memlekettik baǵdarlamalardy  túsindirip, tikeleı baılanys ornatýdy tapsyrdy.

g

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar