Aımaqtar • 21 Qańtar, 2020

Soltústik Qazaqstanǵa óńirlerden 736 otbasy kóship kelgen

32 retkórsetildi

Oblystyń jumyspen qamtýdy úılestirý jáne áleýmettik baǵdarlamalar basqarmasynan alynǵan málimetterge qaraǵanda Soltústik Qazaqstannyń áleýmettik – ekonomıkalyq damýy byltyr 2018 jylmen salystyrǵanda negizinen ózgerissiz qalǵan.

2018 jyly oblysta jumysqa jaramdy 311,3 myń adam bolsa, 2019 jyly ol sál ǵana ózgerip, 312,2 myńǵa deıin artqan. Jumyssyzdyq deńgeıi byltyr 2018 jylmen salystyrǵanda 0,1 paıyzǵa tómendep, 4,8 paıyzdy quraǵan. Bul kórsetkishke jumyssyzdardyń respýblıkadan tys, syrtqa ketkendigi de áser etken.

Jumysqa ornalasqandar sany 2018 jyly 29692 bolsa, byltyr birshama azaıyp, 28246 adam bolǵan. Jańadan ashylǵan jumys oryndary da byltyr 2018 jylmen salystyrǵanda azdaý. Aldyńǵysy 12244 bolsa, byltyr ol 12023 bolypty.

2018 jyly «Eńbek» nátıjeli jumyspen qamtýdy jáne jappaı kásipkerlikti damytý» baǵdarlamasyna 26,3 myń adam qatysqan bolsa, byltyr onyń sany 23,7 myń adamǵa deıin azaıǵan. Sonyń ishinde 44,8 paıyzy jumyssyzdar, 55,2 paıyzy ózin-ózi qamtyǵandar. Kásibı oqýmen qamtylǵandar sany 1800 adam, 727 adam jeńildetilgen nesıe alǵan. 

Byltyr oblysqa respýblıkanyń basqa óńirlerinen kóship kelgender sany artqan. 2018 jyly olardyń sany 1396 adam bolsa, 2019 jyly olardyń sany 2223 adamǵa jetti. 2020 jyldyń 1 qańtaryna deıingi málimetke qaraǵanda kóship kelgen barlyq 736 otbasy «kóship kelýshilerdiń kvotasyna» engizilgen. Kóship kelýshilerdiń negizgi bóligi, ıaǵnı 288 otbasy Túrkistan oblysynan kelgen. Ekinshi orynda Nur-Sultan qalasy, odan kelgender 117 otbasy, qalǵandary Almaty, Jambyl, Qyzylorda, Mańǵystaý oblystarymen Shymkent qalasynan kelgen. 

Kóship kelgenderdiń ishinde 1107 adam jumysqa qabyletti jastaǵy adamdar. Sonyń ishinde 616 adam turaqty jumystarǵa ornalastyrylǵan.

Byltyr Soltústik Qazaqstan oblysyna kelgen oralmandardyń sany 189 adam. Olar 83 otbasyn quraıdy. Oralmandardyń kóbi, ıaǵnı 83 adam (34 otbasy) Qytaıdan kelgen. Mońǵolııadan kelgender sany 60 adam, olar 16 otbasyn qurady. Sonymen qatar Reseıden 29, О́zbekstannan 15 adam kóship kelgen. Osylardyń ishinde kvotaǵa engizilgender sany 110 adam, olar 47 otbasyn quraıdy.   

Kóship kelýshiler úshin respýblıkalyq bıýdjetten 503,7 mln teńge bólingen, sonyń ishinde kóship kelý shyǵyndary – 193,2 mln, turǵyn úıdi jaldaý shyǵyndary – 218,5 mln, jumys berýshige berilgen sýbsıdııa -  92,0  mln teńge. Bólingen qarajat tutastaı ıgerilgen.

2020 jyldyń basyna deıingi málimetke qaraǵanda oblysta ataýly áleýmettik kómek 27774 adamdy qamtyǵan 5897 otbasyna berilgen. Bul maqsatqa 2,4 mlrd teńge jumsalǵan.  Sonymen qatar kóp balaly jáne az qamtylǵan otbasylarǵa jergilikti bıýdjet, bıznes qaýymdastyǵy tarapynan demeýshilik jáne qaıyrymdylyq kómekter uıymdastyrylyp, barlyǵy 1,4 mlrd teńge bólingen.

Árıne, kóship ketýshiler sany jalǵasyp, jalpy halyq sanynyń azaıýy toqtamaı turǵanymen óńir halqynyń áleýmettik qorǵalýy jalpy respýblıkalyq deńgeıden sál ǵana tómen ekendigi kórinip tur. Eger «soltústik koeffısıenti» sııaqty tolǵaǵy jetken qosymsha tólemder berilse, teristiktiń jandana túseri sózsiz.

 

Soltústik Qazaqstan oblysy

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar