Qazaqstan • 21 Qańtar, 2020

Qazaqstan Eýropalyq Odaqpen yntymaqtastyqty nyǵaıtýda

26 retkórsetildi

Syrtqy ister mınıstri Muhtar Tileýberdi «Qazaqstan Respýblıkasy - Eýropalyq Odaq» Yntymaqtastyq Keńesiniń 17-shi otyrysyna qatysty. Kelissózderde Eýropalyq tarapty EO Keńesinde tóraǵalyq etýshi Horvatııa Syrtqy jáne eýropalyq ister mınıstri Gordan Grlıch Radman tanystyrdy. Bul týraly Syrtqy ister mınıstrliginiń baspasóz qyzmeti habarlady. 

Osy kúni EO Keńesi 2020 jylǵy naýryzda kúshine enetin Qazaqstan Respýblıkasymen Keńeıtilgen áriptestik pen yntymaqtastyq týraly kelisimdi (KÁYK) ratıfıkasııalaýdy aıaqtaý týraly sheshim qabyldady.

Yntymaqtastyq keńesi negizgi fokýsty QR - EO yntymaqtastyǵynyń saıası jáne saýda-ekonomıkalyq perspektıvalaryn talqylaýǵa baǵyttady. Sondaı-aq, taraptar álemdegi aǵymdaǵy ahýal týraly pikir almasty.

EO-nyń Ortalyq Azııa boıynsha jáne Eýropa men Azııany ózara baılanystyrý jańa strategııalaryn iske asyrý joldary men birlesken kúsh-jigeri talqylandy.

EO Keńesiniń ókilderi halyqaralyq jáne óńirlik qaýipsizdik, saýda, ınvestısııa, ınfraqurylymdy damytý, sondaı-aq ınnovasııalar, mádenıet, sport jáne týrızm máselelerin qamtıtyn yntymaqtastyqtyń 29 perspektıvalyq baǵytynda Kelisim erejelerin iske asyrý boıynsha Qazaqstanmen pándik jumysqa daıyn ekendigin bildirdi.

Taraptar saýda-ekonomıkalyq jáne ınvestısııalyq yntymaqtastyqty keńeıtý ózara is-qımyldyń basym baǵyty retinde qarastyrylatynyna kelisti. Energetıka, kólik, qorshaǵan orta, bilim jáne ǵylym salasyndaǵy ózara tıimdi áriptestikti tereńdetýge erekshe qyzyǵýshylyq rastaldy.

Kelissózder barysynda taraptar Qazaqstan Prezıdenti Q. Toqaevtyń Brıýsselge aǵymdaǵy jyly josparlanǵan saparynyń daıyndyǵyn talqylady, sondaı-aq osy jyly ótetin QR - EO jáne EO - Ortalyq Azııa yntymaqtastyq qurylymdary jelisi boıynsha is-sharalardyń kestesin kelisti.

Yntymaqtastyq keńesiniń otyrysy aıaqtalǵannan keıin Qazaqstannyń syrtqy saıası vedomstvosynyń basshysy eýropalyq BAQ úshin baspasóz konferensııasyn ótkizdi.

o

Eýropalyq Odaq - Qazaqstannyń negizgi saýda jáne ınvestısııalyq áriptesi, onyń úlesine elimizdiń ekonomıkasyna syrtqy saýda aınalymy men ınvestısııanyń shamamen jartysy tıesili.

2019 jylǵy qańtar-qarashada Qazaqstannyń EO elderimen syrtqy saýda aınalymy 28,7 mlrd AQSh dollaryn qurady (eksport – 22,7 mlrd doll., ımport - 6 mlrd doll.). 2018 jyly taýar aınalymy 37,7 mlrd dollar (eksport – 31 mlrd doll., ımport – 6,7 mlrd doll.), 2017 jyly - 30 mlrd doll., 2016 jyly - 24,1 mlrd doll. qurady.

2019 jyldyń I jartyjyldyǵynyń qorytyndysy boıynsha 5,4 mlrd AQSh dollar tikeleı sheteldik ınvestısııalar (TShI) tartyldy. 2018 jyly TShI kólemi 11,6 mlrd dollardy qurady.

Qazaqstan 2015 jyly EO-men Keńeıtilgen áriptestik pen yntymaqtastyq týraly kelisimge qol qoıǵan Ortalyq Azııa aımaǵyndaǵy alǵashqy el boldy.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar