Oblys ortalyǵyndaǵy №28 kóppáterli arendalyq turǵyn úıdi talaı jyldan beri baspana kezeginde turǵan azamattar aldy. Páterge ıe bolǵan azamattar satyp alý quqyǵynsyz jaldap tura alady. Atalǵan nysannyń qurylysyn «Agrospesstroı» jaýapkershiligi shekteýli seriktestigi júrgizgen.
Jalpy, «Nurly jer» baǵdarlamasy aıasynda atalǵan shaǵyn aýdanda barlyǵy 280 kóppáterli jáne 969 jeke turǵyn úı salý josparlanǵan. О́tken jyly onda 26 turǵyn úı nemese 1300 páter el ıgiligine berilgen bolsa, aǵymdaǵy jyly 29 úıdiń qurylysy júrgiziledi.
Sondaı-aq, kópbalaly otbasylarǵa arnalǵan «Baqytty otbasy» baǵdarlamasy boıynsha ótken jyly 323 páter berildi. Jergilikti bıýdjetten bólingen 1 mıllıard 360 mıllıon teńgege qaıtalama naryqtan 144 páter satyp alynǵan.
Sonymen qatar, oblys boıynsha baspanaǵa muqtaj az qamtylǵan jáne kópbalaly otbasyn turǵyn úımen qamtamasyz etý maqsatynda buǵan deıin 8 kóppáterli jataqhana paıdalanýǵa berilse, taǵy 4 jataqhananyń qurylysy júrgizilýde. Ol jataqhanalardyń ishki qurylysy eki bólmeli páterlerden turady. Bir páterdiń jalpy aýdany 35-40 sharshy metrdi quraıdy. Ár páterde zal jáne jatyn bólmeler, sondaı-aq, óz as úıi, ájethanasy men jýynatyn bólmesi bar. Jalpy, búgingi tańda turǵyn úı kezeginde 18565 adam tur. Onyń ishinde 1784 kópbalaly otbasy, 8593 áleýmettik osal toptarǵa jatatyn azamattar bar.
Jambyl oblysy
