Aımaqtar • 21 Qańtar, 2020

Tarazda jasóspirimder arasynda nashaqorlyqqa qarsy kúres máselesi qaraldy

836 ret

kórsetildi

1 mın

oqý úshin

Búgingi tańda nashaqorlyq qoǵamnyń dertine aınalyp otyr. Bul rette jasóspirimderdiń ómirin nashaqorlyqtan arashalaý máselesi mańyzdy. Osy oraıda, Jambyl oblysynyń Polısııa Departamenti Esirtki qylmysyna qarsy is-qımyl basqarmasy Jambyl oblystyq bilim basqarmasymen birlesip «Jasóspirimder arasynda nashaqorlyqqa qarsy kúres» taqyrybynda dóńgelek ústel uıymdastyrdy.

Hamıt ESAMAN

Tarazda jasóspirimder arasynda nashaqorlyqqa qarsy kúres máselesi qaraldy

Atalǵan sharaǵa Jambyl oblysy ákimdiginiń din isteri, bilim, densaýlyq saqtaý basqarmasynyń ókilderi jáne Taraz qalasy orta mektepteriniń dırektorlary qatysty.

Búginde bul máseleniń qoǵam úshin óte ózekti ekeni belgili. Kezdesý barysynda sıntetıkalyq esirtkiniń zııany týraly máseleli oılar talqylanyp, nátıjesinde nashaqorlyqtyń aldyn alý boıynsha 2020 jylǵa arnalǵan birlesken jumys jospary jasaldy.

Is-shara barysynda polısııa qyzmetkerleri Qazaqstan Respýblıkasynyń keıbir zańnamalyq aktilerine qylmystyq jáne qylmystyq is júrgizý zańnamasyn jetildirý, sondaı-aq, jeke tulǵanyń quqyqtaryn qorǵaýdy kúsheıtý máseleleri boıynsha ózgerister men tolyqtyrýlardy túsindirdi. Sondaı-aq, aǵymdaǵy jyldyń 11 qańtarynda zańdy kúshine engen esirtki quraldaryn, psıhotroptyq zattardy nemese sol tektesterdi, prekýrsorlardy nasıhattaý nemese zańsyz jarnamalaý sekildi qylmystyq quqyq buzýshylyqtardyń jańa baptary da kópshilikke tanystyryldy.

Jambyl oblysy