Rýhanııat • 21 Qańtar, 2020

Elordada Abaı mereıtoıynyń saltanatty ashylýy ótip jatyr

58 retkórsetildi

«Astana Opera» memlekettik opera jáne balet teatrynda qazaq halqynyń uly aqyny, oıshyl-kemeńgeri Abaı Qunanbaıulynyń 175 jyldyǵynyń saltanatty ashylý rásimi ótýde. Sharaǵa Elbasy Nursultan Nazarbaev pen Prezıdent Qasym-Jomart Toqaev qatysyp jatyr. 

Saltanatty jıynda Abaı Qunanbaıulynyń 175 jyldyǵyn merekeleýdiń bastalýy resmı jarııalandy jáne Mádenıet jáne sport mınıstrligi osyǵan oraı Qazaqstannyń óner sheberleriniń konsertin usyndy.

Osyǵan deıin mınıstrlik «Astana Opera» teatrynyń sahnasynda uly Abaıdyń óleńderi men ánderi KSRO jáne Qazaqstannyń Halyq ártisi, Qazaqstannyń Eńbek Eri Asanáli Áshimov, Qazaqstannyń Halyq ártisi, Qazaqstannyń Eńbek Eri Roza Rymbaeva, KSRO jáne Qazaqstannyń Halyq ártisi Álibek Dinishev, Qazaqstannyń eńbek sińirgen ártisi, Memlekettik syılyqtyń ıegeri Maıra Muhamedqyzy, Qazaqstannyń eńbek sińirgen qaıratkeri Tamara Asar, halyqaralyq jáne respýblıkalyq konkýrstardyń laýreattary men elimizdiń jas daryndarynyń oryndaýynda, «Astana Opera» Memlekettik opera jáne balet teatrynyń sımfonııalyq orkestriniń súıemeldeýimen shyrqalatynyn habarlaǵan edi.

«Bıyl Abaı Qunanbaıulynyń týǵanyna 175 jyl tolady. Halqymyzdyń uly perzentiniń mereıtoıyn laıyqty atap ótý úshin arnaıy qurylǵan komıssııa daıyndyq jumystaryn bastap ketti. Memleket kóleminde jáne halyqaralyq deńgeıde aýqymdy is-sharalar uıymdastyrý josparlanyp otyr. Biraq munyń bári toı toılaý úshin emes, oı-órisimizdi keńeıtip, rýhanı turǵydan damýymyz úshin ótkizilmek» dep jazdy Qazaqstan Respýblıkasynyń Prezıdenti Q.K. Toqaev óziniń «Abaı jáne HHI ǵasyrdaǵy Qazaqstan» atty maqalasynda.

Sondaı-aq teatr sahnasynda 25 qańtar kúni «Abaı» operasy sahnalanady. 

d 

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar