Qazaqstan • 21 Qańtar, 2020

Roman Sklıar Qazaqstanǵa nemis ınvestısııasyn tartý máselesin kóterdi

17 retkórsetildi

Osy jyldyń 20 qańtarynda Germanııa Federatıvtik Respýblıkasynyń Dortmýnd qalasynda Qazaqstan Respýblıkasy Premer-Mınıstriniń orynbasary Roman Sklıardyń nemis bıznesiniń ókilderimen kezdesti. Kezdesýge 40-tan astam nemis kompanııalarynyń basshylary qatysty. Bul týraly primeminister.kz habarlady. 

«Ekijaqty qarym-qatynas tájirıbesi Germanııanyń senimdi seriktes ekenin kórsetedi. Biz bir orynda turmaımyz jáne sizben birge barlyq baǵyttar boıynsha yntymaqtastyqty keńeıtý jáne damytý úshin jańa múmkindikter tapqymyz keledi. Qazaqstanda german kapıtalynyń qatysýymen 1000-nan astam kásiporyn jumys isteıdi», — dep atap ótti R. Sklıar óz sózinde.

Úkimet basshysynyń orynbasary eki el arasyndaǵy serpindi bıznes-yntymaqtastyqty damytý múmkindikterine, nemis ınvestısııalaryn tartýǵa, ónerkásip, energetıka, aýyl sharýashylyǵy salalaryndaǵy birlesken jobalardy júzege asyrý jónindegi naqty máselelerdi talqylaýǵa jáne Qazaqstan ekonomıkasy úshin asa mańyzdy baǵyttarǵa toqtaldy.

О́z kezeginde German ekonomıkasynyń Shyǵys komıtetiniń basqarma tóraǵasy Olıver Germes búkil álemge tanymal nemis óndirýshileri – «Siemens», «Dillinger Hüttenwerke AG», «OTTO Fuchs KG», «DMT Group» jáne t. b. eki eldiń ózara tıimdi yntymaqtastyǵyn qarqyndatýdyń mańyzdylyǵy týraly aıtty.

Tutastaı alǵanda, sońǵy jyldary mashına jasaý, qurylys, hımııa, energetıka, JEK, agroónerkásiptik keshen, saýda, shıkizat ken oryndaryn ıgerý salalarynda jáne ekonomıkanyń basqa da sektorlarynda 2 mlrd eýrodan astam somaǵa birlesken ınvestısııalyq jobalar iske asyryldy. Olardyń 90%-dan astamy «shıkizattyq emes» sektorǵa tıesili.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar