Qazaqstan • 21 Qańtar, 2020

Nursultan Nazarbaev Konstıtýsııalyq Keńestiń otyrysyna qatysty

304 retkórsetildi

Bul týraly Qazaqstannyń tuńǵysh Prezıdenti - Elbasynyń baspasóz qyzmeti habarlady.

Jıynda Qazaqstan Respýblıkasynyń «Turǵyn úı qatynastary týraly» Zańynyń 107-babynyń 8) tarmaqshasyn konstıtýsııalyq emes dep taný týraly másele qaraldy.

– Azamattardyń turǵyn úı quqyqtaryn iske asyrý máselesi memlekettiń áleýmettik saıasatynyń basym baǵyty, - dedi Qazaqstannyń Tuńǵysh Prezıdenti.

Konstıtýsııalyq Keńestiń Tóraǵasy Q.Mámı búgingi otyrys elimizdiń konstıtýsııalyq damýy tarıhynda aıtýly oqıǵa ekenin atap ótti.

Ý
– Qazaqstan Respýblıkasy Konstıtýsııasynyń 71-babynyń 1-tarmaǵyna sáıkes Qazaqstannyń Tuńǵysh Prezıdenti – Elbasy Konstıtýsııalyq Keńestiń ǵumyr boıy múshesi, - dedi Q.Mámı.

Is-shara barysynda Úkimet, Parlament Senaty jáne Májilisi, Joǵarǵy Sot, Bas prokýratýra ókilderi men sarapshylardyń pikiri tyńdaldy.

Ý

Zańnyń atalǵan normasy jetilmegeni jáne azamattardyń konstıtýsııalyq quqyqtaryn júzege asyrýǵa kedergi keltirýi múmkin ekendigi aıtyldy.

Jıynǵa qatysýshylardyń pikirleri men jaýaptarynan keıin Konstıtýsııalyq Keńes normatıvtik qaýly qabyldady. Atalǵan qaýly basylymdarda jarııalanady.

– Memlekettik áleýmettik saıasat turǵysynan zańnamalyq bazany jetildirý erekshe mańyzǵa ıe, - dedi Nursultan Nazarbaev.

Sonymen qatar, turǵyn úı quqyǵyn iske asyrý máselesi halyqtyń ál-aýqatyna tikeleı baılanysty ekendigi aıtyldy.

Ý

– Meniń tapsyrmam boıynsha birneshe memlekettik baǵdarlama iske asyryldy. Buryn baspana satyp alýǵa múmkindigi bolmaǵan qazaqstandyqtar úshin turǵyn úıdiń qol jetimdiligi qamtamasyz etildi, - dedi Elbasy.

Sondaı-aq, Nursultan Nazarbaev Ata Zańdy qurmetteý jáne qatań saqtaý eldiń sátti damýynyń kepili ekendigin jáne Konstıtýsııanyń 25 jyldyq mereıtoıy qarsańynda bul máseleniń ózektiligi artyp otyrǵanyn atap ótti.

V

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar