Qoǵam • 22 Qańtar, 2020

«Jastar tájirıbesine» jetkilikti kóńil bóline me?

17 retkórsetildi

«Jastar tájirıbesi» jobasy arnaýly jáne joǵary bilim alyp, úlken ómirge qanat qaqqan jastar úshin eńbek jolyn bastaýǵa taptyrmaıtyn jol. Joba júzege asqaly beri elimizde myńdaǵan jas maman jumys taýyp jatyr. Alaıda bul baǵytta da alańdatarlyq jaǵdaı bar eken.

Mysaly, Almaty oblysynda «Jas­tar tájirıbesi» jobasy aq­sap tur. Aımaqta sońǵy eki jyl kóle­min­de «Jastar tájirıbesi» jobasyn qarjy­landyrýǵa 1 mlrd teńgeden astam qarajat jumsalǵan. Atap aıt­qan­­da, 2018 jyly 459,3 mıllıon teńge ıgerilse, 2019 jyly bul qarjy 599,2 mıllıon teńgege deıin ósken. Biraq oblys jastarynyń eńbek tá­jirı­­besinen ótýi men jumysqa orna­­la­sýyna qatysty is kóńil kón­shit­peı tur. Bul týraly «Jetisý – adal­dyq ala­ńy» jobalyq keńsesiniń jetek­shi­si Amanjol Jazyqbaev málim­dedi. Jastardy jumysqa tar­týǵa ar­nalǵan jol kartasyna júr­giz­ilgen monıtorıng nátıjesi bul ba­ǵyt­­ta birneshe qatelik bolǵanyn anyq­­taǵan eken. Sarapshylar «Jastar tájirıbesi» jobasy aıasyn­da óndiristik tájirıbeden ótýge ji­be­rilgen jas mamandardyń taǵ­dy­ry­­na alańdaýshylyq bildirip otyr. О́ıt­keni tájirıbeden ótken 2 myńǵa jýyq jas mamannyń 20 paıyzy ǵana tu­raqty jumysqa qabyldanǵan. Sondaı-aq jastardy mekemelerge bólý barysyndaǵy jaýapsyzdyqtyń kesi­rinen belgili mamandyq ıesi ózine beı­tanys salada tájirıbeden ótýge máj­búr bolǵan eken.

– О́kinishke qaraı oblys boıyn­sha «Jastar tájirıbesi» jobasy­na qatysty jumys aqsap tur. Biz tájirı­beden ótken jastardyń ara­syn­da saýaldama ótkizdik. Oǵan qa­ty­sý­shylardyń deni jumys prosesine aralaspaǵanyn, mekemelerdegi «sha­ýyp kel, baryp kel» jumystardy iste­ge­nin aıtady. Taǵy bir bóligi múldem beı­tanys salaǵa túskenderin kórsetti. My­saly, aspazshynyń oqýyn bitir­gen túlekti arhıtektýra bólimine tájirıbeden ótýge jibergen. Demek, bul baǵdarlamanyń júzege asýyna jaýapty adamdar óz jumysyna salǵyrt qarap, jol kartasy boıynsha jastardy mamandyqqa saı bólý isin qutylý úshin ǵana júrgizgen, – dedi «Jetisý – adal­dyq alańy» jobalyq keńsesiniń jetek­shisi Amanjol Jazyqbaev.

Aıtpaqshy, oblystyq jumyspen qamtý jáne áleýmettik baǵdarlamalar basqarmasynyń málimetinshe, aımaqta resmı tirkelgen jumyssyzdar sany 60 myń adamdy quraıdy. Sonyń ishinde eki qolǵa bir kúrek izdep júrgen jas­tar­dyń úlesi 20 myńnyń shamasynda eken. Sondaı-aq 2019 jyly óńirdegi jumyssyzdyqpen kúresýge 15 mlrd teńge qarajat qarastyrylyp, jum­salǵan kórinedi. Osy baǵdarlama aıasynda 1400 turǵynǵa jeke kásibin ashý úshin 505 myń teńge kóleminde arnaıy grant berilgen. Al jumyssyzdar tizimindegi 85 jas 252 myń teńge mól­she­rinde qoldaý qarjysyn ıelengen.

Jumyssyzdyq degennen shyǵady, jyl basynan beri Elektrondy eńbek bır­jasynda Almaty oblysyndaǵy bos jumys oryndary jaıly 974 habar­lan­dyrý jarııalanǵan eken. Iаǵnı, aı­maq­­tyń eńbek naryǵy 2 487 túrli ma­man­dyq ıesine zárý bolyp otyr. Jalpy, enbek.kz saı­tyn­da­ǵy ashyq derek­­kózderden belgili bol­ǵan­daı, oblysta áleýmettik sala bo­ıynsha mamandarǵa suranys joǵary. Atap aıtqanda, aýdandar bo­ıynsha berilgen habarlandyrýlardyń úlesi muǵalim, orta deńgeıli medı­sı­na qyzmetkeri, meıirbıkeler men mektepterdegi jumysshylarǵa qatysty bolyp otyr.

 

Almaty oblysy

 

Sońǵy jańalyqtar

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar