Qoǵam • 22 Qańtar, 2020

Qatygezdik qaıdan shyǵady?!

33 retkórsetildi

Jeti qazynanyń qasıeti jetesine jetpegen jurt ońdysyn oıynshyqqa aınaldyryp, ońaı oljaǵa kenelmek. Biraq onyń ar jaǵynda ne jatqanyn bajaılap túsine bermeıtini ózekti órter ókinish.

Qalaǵa kire bergende qam­shylar jaq betten dúrlikken top kózge ilikti. Arqan boıy jaqyndaǵanda ańǵardyq. It tóbelestirip jatyr eken. Soń­ǵy kezde sánge aınalǵan osyndaı bir ospadar tirshilik beleń alyp tur. 

Bul jolǵysy kádimgi qa­zaq­tyń tóbeti men pıtbýl. Ekeýi de qanjosa. Ásirese tóbet. Kúshik kezinde kesilgen oń jaq qulaǵynyń túbi jal­byrap jatyr. Daladaı omy­ra­ýy men jumyrlana bit­ken jon arqasy qyzyl qan­ǵa shylanǵan. Pıtbýlińiz tó­bet­­ten áldeqaıda qorashtaý kó­rin­genimen, qorqýdy bil­meı­tin, aıqas ústinde anyq aja­­ly jetip tursa da mysyq­tabandap sheginbeıtin bir su­rapyl. Oǵan qaraǵanda, qa­zaqy tóbet ımanjúzdileý. Kó­meıinen gúrildep shyqqan yzaly yryl sál seıilgende sho­laq quıryǵyn bulǵap-bul­ǵap qoıady. Onysy pákene pıtbýldi bitimge shaqyrǵany. Biraq qan kórip qutyrǵan ıt qaıdan toqtaı qoısyn.

Aıqulaqtana attandaǵan, jerdi titirentip aıǵaıǵa bas­qan qalyń toptyń qaq jartysy jasóspirimder men balalar. Ieleriniń aıtaǵyna erip, birin-biri albastydaı basqysy kelip, jyrta qarys azýlaryn aq almastaı jalańdatyp júr­gen qos ıttiń qanyn qyz­dyrǵysy kelip qaptaldasa um­tylady.

Qazaq tóbetińniń ıesi qoń­qaq muryndy, gújban kav­kazdyq bireý eken. Itpen bir­ge ózi tóbelesetindeı óńmeń­­deı­­di. Álden ýaqytta pıt­býl tó­bettiń aýzyna ilik­ken. Mana­dan beri silikpesi shy­ǵyp, áb­den yzalanǵan qazaqy tóbet bir-aq qysty. Tipti, aýzymda ket­ti-aý degen joq.

Iti jeńgenniń jeligi de az emes eken. Kavkazdyq gúj­ban da máz-meıram. Tó­betin maqtap tur. О́ziniń emes, árıne, qazaq­tyń tóbeti. Momyn, mal baǵý úshin ja­ral­ǵan jan ıesi. Tek soń­ǵy kez­de ońaı oljaǵa ke­nel­gisi kel­gender osyndaı tó­beleske salyp júr. Árıne aı­qasýyn aıqasady. Sol aıqas aq, adal ıesin qorǵaý úshin, áıtpese, ıesiniń malyn qorǵaý úshin bolsa bir jón ǵoı.

Aq qardyń ústinde aıǵyz-aıǵyz qan jatyr. Ieleri úshin jan alyp, jan berisken qos ıttiń qany. Qyzyl qanmen sýarylǵan aq qardy kútir-kútir basyp bala bitken baq-shaq. Olar da jańa ǵana so­lyqtaı sharshap, qarjysa qar­masqan ıtterden beter óńesh­­teıdi. Osyndaı qu­byjyq qu­bylysty kórip ós­ken bala sanasy ne bolar eken?!

 

Aqmola oblysy

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Aqyn muralary – Barnaýlda

Abaı • Búgin, 07:50

Danalyq kiltin ǵylymnan izdegen

Abaı • Búgin, 07:47

Ulttyq taǵamdar umyt qalmasa eken

Tanym • Búgin, 07:43

Altaı, Tarbaǵataı ánderi áýeledi

Rýhanııat • Búgin, 07:42

Túrki murasyn túgendegen eńbek

Tanym • Búgin, 07:41

Uqsas jańalyqtar