Aımaqtar • 22 Qańtar, 2020

Kólikti mas kúıinde júrgizgen eki qyzyljarlyq qamaldy

112 retkórsetildi

Ákimshilik zańnamaǵa 11 qańtardan bastap kúshine engen ózgeristerden keıin kólikti masań kúıinde aıdaǵan júrgizýshiler 7 jylǵa kólik júrgizý  quqyǵynan aıyrylady jáne 15 táýlikke ákimshilik qamaqqa alynady. Buryn Ákimshilik quqyq buzýshylyq týraly kodekske sáıkes ondaılar tek júrgizýshi kýáliginen úsh jylǵa aırylatyn.

Jańa ózgerister engizilgen ýaqyttan keıin bir-aq apta ótkende Petropavl qalasynyń eki turǵyny bir túnde ustaldy. Sheteldik kóliktiń júrgizýshisi bir farasy janbaı kele jatqandyqtan Abaı kóshesinde patrýldik polısııa qyzmetkerleriniń nazaryna ilinedi. Polıseıler júrgizýshige aqaýdy joıý qajet ekenin aıtý úshin kólikti toqtatady. Sóıtse, 32 jastaǵy qala turǵyny kólikti masań kúıde júrgizip kele jatqan bolyp shyqty. Al 1986 jyly týǵan basqa júrgizýshi sol túni Internasıonal kóshesimen alkogoldi ishimdik iship alyp, júıtkigen. Eki kólik te aıyp turaǵyna qoıyldy. Túngi serýenge qumartqandar sottyń sheshimimen 15 táýlikke ákimshilik qamaqqa alyndy jáne 7 jylǵa kólik basqarý quqyqtarynan aıryldy.

Eger osylar bir jyl ishinde qaıtadan masań kúıinde kólik tizginine otyrsa, 20 táýlikke qamaqqa alynady jáne 8 jylǵa kólik basqarý quqyǵynan aırylady. Al jol-kólik oqıǵasyna kináli mas júrgizýshiler úshin bólek jaýapkershilik qarastyrylǵan. «Masańdyq deńgeıin anyqtaý boıynsha kýálandyrýdan ótý týraly zańdy talapty oryndaýdan bas tartqan jaǵdaıda júrgizýshiniń kólik quralyn basqarý quqyǵynan aıyrylý merzimi 3 jyldan 8 jylǵa deıin kóbeıdi, sondaı-aq 15 táýlikke qamaqqa alý engizildi», - deıdi SQO PD Ákimshilik polısııa basqarmasynyń bastyǵy polısııa podpolkovnıgi Jasulan Ospanov.

Sońǵy jańalyqtar

Mańǵystaýda qan tapshylyǵy sezilýde

Aımaqtar • Búgin, 12:26

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar