Saıasat • 22 Qańtar, 2020

Qazaqstannyń AQSh-taǵy Elshisi Iýta shtatyna jumys saparymen bardy

23 retkórsetildi

Qazaqstannyń AQSh-taǵy Elshisi Erjan Qazyhanov Iýta shtatyna jumys sapary barysynda shtat Gýbernatory G.Herbert, Brıgam Iаng ýnıversıtetiniń prezıdenti K.Vorten, Iýtadaǵy Dúnıejúzilik saýda ortalyǵynyń dırektory M.Hansen, sondaı-aq, jergilikti amerıkandyq kompanııalardyń ókilderimen kezdesti. Bul týraly SIM baspasóz qyzmeti habarlady.

Iýta shtatynyń Gýbernatory G.Herbertpen kezdesýde ekijaqty qatynastardy damytý, sondaı-aq, Iýta shtatymen yntymaqtastyqtyń perspektıvalyq baǵyttary talqylandy.

Sondaı-aq Isa Másihtiń Sońǵy Qasıetti Áýlıeler shirkeýiniń birinshi prezıdentimen kezdesýler ótkizilip, onyń barysynda Elshi E.Qazyhanov Qazaqstannyń dinaralyq jáne konfessııaaralyq dıalogty nyǵaıtý, bitimgershilikke, gýmanıtarlyq jobalardy júzege asyrýdaǵy, aımaqtyq jáne halyqaralyq qaýipsizdikti qamtamasyz etýdegi Qazaqstannyń jasaǵan jumystary týraly aqparatpen bólisti. 

Tuńǵysh Prezıdent - Elbasy Nursultan Nazarbaevtyń Álemdik jáne dástúrli dinder lıderleriniń sezin ótkizý týraly bastamasy mormondyq qoǵamdastyq ókilderin erekshe qyzyqtyrdy. Atap aıtqanda, amerıkandyq tarap shirkeý ókilderiniń 2021 jyly aldaǵy VII kongreske qatysý múmkindigin qarastyrýǵa daıyn ekendigin bildirdi.

AQSh memlekettik kompanııalarymen baılanys ornatý maqsatynda Iýtadaǵy Dúnıejúzilik saýda ortalyǵynyń dırektory M. Hansenmen kezdesýde týrızm ındýstrııasyn damytý jáne otandyq taýarlardyń amerıkandyq naryqqa eksportyn ilgeriletý salasyndaǵy yntymaqtastyqtyń bolashaǵy talqylandy. 

Qazaqstandyq dıplomat Brıgam Iаng ýnıversıtetine baryp, stýdentterge «Qazaqstan men Amerıka Qurama Shtattary 2020: seriktestiktiń jańa onjyldyǵy» taqyrybynda dáris oqydy jáne tyńdaýshylardy qyzyqtyrǵan suraqtarǵa jaýap berdi.

Eki el arasyndaǵy mádenı-gýmanıtarlyq qatynastardy damytý aıasynda, sondaı-aq, Abaı Qunanbaevtyń 175 jyldyǵy men ál-Farabıdiń 1150 jyldyǵyn merekeleýge baılanysty Elshi E.Qazyhanov ýnıversıtet prezıdenti K.Ýortenge qazaq ádebıetiniń eki tomdyq antologııasyn jáne ál-Farabıdiń eskertkish monetalaryn syılady.

Aıta keteıik, Brıgam Iаng ýnıversıteti - quramynda 32000 stýdent oqıtyn AQSh-taǵy eń iri dinı ýnıversıtetterdiń biri. 2019 jyly atalǵan ýnıversıtet bilim sapasy men baǵasy boıynsha Forbes jáne The Wall Street Journal reıtıngterinde birinshi orynǵa ıe boldy. 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar