Qazaqstan • 22 Qańtar, 2020

Qazaqstanda «Aqyldy» óńirlerdiń reıtıngi quryldy

25 retkórsetildi

Sıfrlyq damý, ınnovasııalar jáne aeroǵarysh ónerkásibi mınıstrligi óńirlerdiń sıfrlandyrý salasynda júrgizgen jumystaryna baǵa berdi. Nur-Sultan, Almaty jáne Oral qalalary kóshbasshylar qataryna endi. Bul týraly Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmeti habarlady.

«Zertteýge 14 oblys ortalyǵy men respýblıkalyq mańyzy bar 3 qala qatysty. Baǵalaý 11 túrli baǵyt pen 80 kórsetkishten turatyn «Aqyldy qalalar» etalondyq standarty negizinde júrgizildi. Olar densaýlyq saqtaý, bilim berý, turǵyn úı-kommýnaldyq sharýashylyǵy, kólik, ekologııa, áleýmettik  jáne t.b. salalardy sıfrlandyrý bastamalaryna qatysty.

Sıfrlyq damý, ınnovasııalar jáne aeroǵarysh ónerkásibi vıse-mınıstri Abylaıhan Ospanovtyń aıtýynsha, reıtıng óńirlerdi «sıfrlyq» belsendilikti arttyrýǵa yntalandyrý úshin qajet.

Atap aıtqanda, reıtıngti qurý kezinde ákimdikterdiń memlekettik qyzmetterdi avtomattandyrýy, turǵyn úılerge «aqyldy» esepteýish quraldarynyń ornatylýy, tirkelgen startaptardyń sany, zııatkerlik kólik júıesiniń engizilýi, qoǵamdyq kóliktiń baǵyt-baǵdaryn monıtorıngteý jáne t.b. arnalǵan qosymshalardyń qoljetimdiligi  nazarǵa alyndy.

Vıse-mınıstr Abylaıhan Ospanovtyń aıtýynsha, bul reıtıng óńirlerdiń «sıfrlyq» belsendiligin arttyrýǵa baǵyttalǵan.

«Sıfrlyq Qazaqstan» memlekettik baǵdarlamasy eki jyl buryn qabyldanyp, óńirlerde birqatar joba júzege asyryldy. Árıne, olardyń keıbiri tıimdi bolsa, keıbiriniń nátıjesi tómen boldy. Sıfrlandyrý salasyndaǵy jalpy jaǵdaıdy kórsetý úshin biz osy reıtıngti ázirledik. Bul sondaı-aq óńirlerdiń «sıfrlyq» damýyn yntalandyrý úshin qajet» dep atap ótti Ospanov.

Reıtıngte birinshi orynǵa Nur-Sultan qalasy ıe bolsa, ekinshi oryndy Almaty, úshinshi oryndy Oral qalasy ıelendi.

«Reıtıng jyl saıyn qurylady. 2019 jylǵy reıtıngtiń nátıjesimen tanysa alasyzdar» delingen habarlamada.

Sońǵy jańalyqtar

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar