Parlament • 22 Qańtar, 2020

Májilis birqatar ratıfıkasııalyq zań jobacyn maquldady

24 retkórsetildi

Búgin Palata Spıkeri Nurlan Nyǵmatýlınniń tóraǵalyǵymen Májilistiń kezekti jalpy otyrysy ótip, depýtattar Brazılııamen adamdardy ustap berý, sonymen birge, atalǵan elmen qylmystyq ister boıynsha ózara quqyqtyq kómek týraly sharttardy maquldady. Bul týraly Parlament Májilisiniń baspasóz qyzmeti habarlady.

Alǵashqy Shartta eki eldiń quzyretti organdarynyń ustap berý máseleleri boıynsha ózara is-qımyl jasaý máseleleri reglamentteledi. Qujatta ustap berý sharttary, ustap berýden bas tartý negizderi, óz azamatyna qatysty qylmystyq qýdalaýdy júzege asyrý úshin qajetti sharalardy qoldaný týraly, adamdy úshinshi memleketke ustap berý sharttary, ustap beriletin adam quqyqtarynyń kepildikteri tolyq aıqyndalǵan.

Sonymen qatar kúzetpen qamaýda ýaqytsha ustaý, berýdi jáne ýaqytsha ustap berýdi keıinge qaldyrý, ustap berilgen adamdy tranzıtteý sharttary belgilengen. Qos memlekettiń ustap berý máselelerinde tikeleı ózara is-qımyl jasaıtyn quzyretti organdary kórsetilgen. Shyǵystar jáne ózara esep aıyrysý tártibi de Shart boıynsha eskerilgen. Al kelesi Shartta taraptar qylmystar úshin tergep-tekserýge nemese qylmystyq qýdalaýǵa baılanysty qoldanylatyn kez kelgen sharalardy qosa alǵanda, qylmystyq isterge baılanysty ózara quqyqtyq kómek kórsetedi.

Eki eldiń quzyretti organdarynyń ózara is-qımyl jasaý máseleleri reglamentteledi. Qujatta kórsetiletin kómektiń tizbesi, kómekten bas tartý negizderi, qupııalylyq týraly sharttar jáne kómek kórsetý arqyly alynǵan málimetter men dáleldemelerdi paıdalanýdaǵy shekteýler, eki taraptyń aýmaǵynda dáleldemeler alý egjeı-tegjeıli aıqyndalǵan.

Sondaı-aq jalpy otyrysta sıfrlyq tehnologııalardy retteý máseleleri boıynsha, «2012 jylǵy 3 mamyrda Lıýksembýrgte qol qoıylǵan Hattamamen engizilgen ózgeristerdi eskere otyryp, 2008 jylǵy 26 maýsymda Astanada qol qoıylǵan Qazaqstan Respýblıkasynyń Úkimeti men Lıýksembýrg Uly Gersogtiginiń Úkimeti arasyndaǵy Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konvensııaǵa tolyqtyrý engizý týraly hattamany ratıfıkasııalaý týraly zań jobalaryn jumysqa alyndy. Jáne EAEO kedendik aýmaǵyna ákelingen taýarlardy qadaǵalap otyrý tetigi týraly kelisimdi ratıfıkasııalaý týraly, EAEO men Qytaı Halyq Respýblıkasynyń kedendik shekaralary arqyly ótkiziletin halyqaralyq tasymaldyǵy taýarlar men kólik quraldary jóninde aqparat almasý týraly kelisimdi ratıfıkasııalaý týraly zań jobalary boıynsha qorytyndy ázirleý merzimi bekitildi.

Jalpy otyrys sońynda birqatar depýtattar quziretti organdarǵa depýtattyq saýaldar joldady.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Uqsas jańalyqtar