Aımaqtar • 22 Qańtar, 2020

Barlaýshylar arasynda oqý-jattyǵý ótip jatyr

34 retkórsetildi

Barlaýshylar Atyraý, Aqtóbe jáne Mańǵystaý oblystaryndaǵy 4 polıgonda jaýyngerlik daıarlyǵyn arttyryp jatyr. Bul jaıynda qolbasshylyqtyń baspasóz qyzmeti habarlady.

Dalalyq shyǵý turaqty orynnan joryqqa shyǵýdan bastaldy. Áskerı qyzmetshiler jaýyngerlik mindetterin oryndaýǵa «Qarabatan», «Beket Ata», «Oımasha» jáne «Eset batyr» polıgondaryna shyqty. Qashyqtyqtyń jartysyn tehnıkamen ótse, qalǵanyn - tolyq jabdyq pen kıim-keshekte júrip ótti.

Komandırler bárin oılastyrǵan. Marsh kezinde barlaýshylardy qurylǵan tosqaýyl men zaqymdalǵan aımaq sekildi synaqtar kútip turdy. Basty maqsat – áskerı barlaýshylarǵa bosańsytpaý, shydamdylyq men batyldyqtaryn tekserý.

- Dalalyq shyǵý – bul jas áskerılerge surapyl polıgondyq jaǵdaı men alǵashqy tájirıbelik oqýlar bolyp tabylatyn josparly is-shara. Úırenip qalǵan áskerılerge jıyn ózderiniń jaýyngerlik jáne dene daıyndyqtarynyń deńgeıin qalypta ustaýǵa kómektesedi. Al ofıserler bolsa sheshim qabyldaý, maqsatty aıqyndaý jáne olardyń oryndalýyn talap etý sekildi komandalyq daǵdylardy jetildiredi, - dedi áskerı bólim komandıri, podpolkovnık Esbolat Núrekeshev.

Tájirıbe barysynda qoıylǵan mindetterdi tolyqqandy oryndaý úshin aldyn ala qurylǵan shatyrly lager, sharýashylyq jabdyqtalym pýnkty, dalalyq ashana jumys isteıdi, al barlaýshylar joryq jaǵdaıda ómir súrip jáne mindetterimen aınalysady.

Úsh apta kezinde tájirıbeli ofıser-nusqaýshylar myńdaǵan áskerı barlaýshymen túrli táýlik ýaqytynda qarý-jaraq, áskerı jáne 100 arnaıy tehnıkany paıdalana otyryp, 100-den astam saǵat tájirıbelik jáne teorııalyq sabaqtaryn ótkizedi.

Jıyn barysynda áskerı qyzmetshiler barlaý sholǵyndardyń quramynda shartty qarsylastyń baılanysyn isten shyǵarý, torýyldaý men shabýyl jasaý taktıkasy, barlaý-izdeý jumystary men barlaý, navıgasııa, baılanys pen baqylaý jabdyqtarynyń qazirgi zamanǵy túrlerimen tanystyrylady. Sabaqtar barysynda oq atý daıarlyǵynyń jańa jattyǵýlarǵa basty nazar aýdarylady.

- Dalalyq shyǵý jaǵdaıynda materıal jyldam ári jaqsy uǵynýǵa bolady. Sonymen birge, birge qyzmet atqarǵan kezde biz bir-birimizdi jaqsy tanı alamyz, baýyrlastyǵymyz artyp, kimmen barlaýǵa shyǵatynymyzdy bilemiz, - dep barlaý rotasynyń komandıri, kapıtan Qýanysh Abýtalıpov atap ótti.

Barlaýshylardyń dalalyq jıyny barlaý bólimshelerimen baqylaý sabaqtary men taktıkalyq-arnaıy oqý-jattyǵýlar ótkizýimen aıaqtalady.

Barlaý bólimshesi – bul ózin-ózi qamtamasyz etetin top. Jaýyngerlik tapsyrmany oryndaý kezinde qarsylastyń tylynda bola tura barlaýshylar obektilerdi mınalaýdy, tanys emes jerde kartamen jumys isteýdi, radıostansany quryp jáne óz adamdarymen baılanys ornatýdy, kerek jaǵdaıda jaralanǵan joldasyna alǵashqy medısınalyq kómek kórsetýdi bilýleri kerek. Sondyqtan jıyn barysynda taktıkalyq, arnaıy-taktıkalyq, oq atý, ınjenerlik daıarlyqtyń tájirıbelik jáne baqylaý jattyǵýlary ótkiziledi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar