Aımaqtar • 23 Qańtar, 2020

Mańǵystaýda QR-Mangystau mobıldi qosymshasy jumys isteıdi

154 retkórsetildi

Bul qosymsha aımaqtyń tarıhı-mádenı eskertkishteri týraly baıandaıdy jáne óńirdiń 49 kórikti jerlerin biriktiredi. Ol Beket ata, Shaqpaq ata meshitteri, Otpan Taý kesheni jáne basqa da QR kodtary ornatylǵan jerler. Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysy memlekettik tarıhı-mádenı qoryq dırektorynyń orynbasary Marat О́tesinov málim etti.

Smartfondy qoldana otyryp saıahatshylar ár eskertkish týraly tolyq aqparat ala alady. Bir ereksheligi – atalǵan mobıldi qosymsha ınternetsiz de jumys isteıdi. Aqparat úsh tilde usynylady: qazaq, orys jáne aǵylshyn.

Sonymen qatar oblysta «Mańǵystaýdyń kıeli jerleriniń» ınteraktıvti kartasyn jasaqtady. Qazirgi ýaqytta ınteraktıvti kartada Qazaqstannyń qasıetti jerleriniń ulttyq jáne aımaqtyq tizimine engen 43 qasıetti nysan bar. Olardyń árqaısynyń aqparaty bar (ańyzdar, tarıh, fotosýretter, vıdeo, 3D panoramalar). Onyń barlyǵyn ınternettiń kómegimen álemniń kez kelgen núktesinen kórýge bolady.

Bul - «Rýhanı jańǵyrý» memlekettik baǵdarlamasy aıasynda oblysta atqarylyp jatqan aýqymdy jumystardyń az ǵana bóligi. Joǵaryda atalǵan jumyspen qatar, 7 anımasııalyq beınejazbalar jasaldy. Iаǵnı, kórermen kez-kelgen eskertkishtiń ishine kirip, onyń qalaı turǵyzylǵanyn jáne qazirgi kezdegi kórinisin kóre alady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar