Aımaqtar • 23 Qańtar, 2020

Mańǵystaý «Týǵan jer» baǵdarlamasy boıynsha respýblıkada aldyńǵy orynda

431 retkórsetildi

Byltyr 12 mlrd 600 mln teńgeniń jobasyn jergilikti mesenattar júzege asyrǵan. Bul týraly «Qoǵamdyq Kommýnıkasııalar Ortalyǵynda» ótken «Rýhanı jańǵyrý»  baǵdarlamasy aıasynda atqarylǵan sharalardy qorytýǵa arnalǵan brıfıngte óńirlik jobalyq ofısiniń basshysy Gúlaıym Azan málim etti. 

-Byltyr Mańǵystaý oblysynda kómekke muqtaj onnan astam otbasy demeýshiler qarjysyna salynǵan jańa úılerge kirip, qonys toıyn toılady. Máselen, Mańǵystaý aýdanynda «Ár qazaq-meniń jalǵyzym» atty qaıyrymdylyq aksııasy aıasynda «Aıtyman» qoǵamdyq qory Shetpe men Qosbulaq aýylynda turatyn úsh birdeı az qamtylǵan otbasyǵa tórt páterlik mýnısıpaldy úı salyp berdi, dedi Mańǵystaý oblystyq óńirlik jobalyq ofısiniń basshysy Gúlaıym Azan. 

Al Aqtaýdan eń shalǵaı aýdany Beıneýdiń 1991 jylǵy túlekteri bir januıaǵa, Qaraqııa aýdanynyń Munaıshy jáne Jetibaı aýylyndaǵy 10 otbasyǵa «Oǵylandy-Beket ata» qoǵamdyq qorynyń ókilderi jańa páterdiń kiltin tabystaǵan.

Munaıly aýdanyndaǵy Batyr aýyldyq okrýginde turatyn úsh otbasyǵa «Úmmet jastary» qaıyrymdylyq qory baspana kóterip berse, Túpqaraǵan aýdanyna qarasty Aqshuqyr aýylynyń eki turǵynyna jeke kásipker Isa Bımyrzaevtyń, taǵy bir januıaǵa osy aýyldyń turǵyndary qarajat jıyp, záýlim úı turǵyzǵan.

Muqtaj jandarǵa qolǵabys etýge baǵyttalǵan saýapty jumystan aqtaýlyq mesenattar da qalys qalmaǵan. Oblys ortalyǵynda turatyn kóp balaly bir otbasyǵa «K7 Group» seriktestiginiń basshysy Sh.Ermekbaıuly páter syılap qýantsa, taǵy bir januıanyń shańyraǵy «Ońdasynstroı» mekemesiniń qoldaýymen jóndeýden ótken.

Aıta ketý kerek, óńir azamattary jastar men jasóspirimderdiń bos ýaqytyn tıimdi paıdalaný, buqaralyq sportty damytýǵa da belsendi atsalysyp keledi. Osy kúnge deıin demeýshiler esebinen Mańǵystaý oblysyndaǵy eldi mekenderde jeti birdeı sport kesheni salynyp, 16 balalarǵa arnalǵan oıyn jáne sport alańy qoldanysqa berildi.

Elbasynyń «Rýhanı jańǵyrý» baǵdarlamaaralyq maqalasynda kórsetilgen «Aýyl - el besigi» jobasy aıasynda jeke jáne zańdy tulǵalardyń qarjy bólýimen «Kórpe-Fest» festıvalinde kóp balaly 15 anaǵa ozyq úlgidegi tigin mashınasy tartý etildi. Sonymen qatar, Qaraqııa aýdanyndaǵy tórt mektepte ınklıýzıvtik bilim berý kabıneti men Jetibaı aýylynda múmkindigi shekteýli balalarǵa bilim berý ortalyǵy ashyldy.

Mesenat qarjysyna Jańaózenge qaraıtyn Teńge, Qyzylsaı jáne Rahat aýylynda ambýlatorııalyq ortalyqqa úsh jedel-járdem kóligi, turǵyndar ıgiligine úsh avtobýs satyp alynǵan.

Osy atalǵan Qyzylsaı men Teńgede, Mańǵystaý aýdanyndaǵy Aqshymyraý, Taýshyq, Ushtaǵan, Shebir eldi mekeninde, Qaraqııaǵa qaraıtyn Senek aýylynda,

Beıneý aýdanyndaǵy Sarǵa men Boranqulda turǵyndar men kásipkerler, mektep túlekteriniń demeýshiligimen ózi týǵan aýyldy kórkeıtýde kóptegen ıgi ister atqaryldy.

Jomart júrek azamattardyń aqshalaı qoldaýymen Mańǵystaý aýdanynyń Tushyqudyq aýylynda «Aıdar Ishan» rýhanııat ortalyǵy jáne Ondy, Qyzyltóbe aýylynda meshit salyndy.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

«Qutty qonaq» – Birjan elinde

Abaı • Búgin, 07:51

Uqsas jańalyqtar