Qazaqstan • 23 Qańtar, 2020

QazAqparat jáne ANSA ıtalıalyq aqparat agenttigi memorandýmǵa qol qoıdy

26 retkórsetildi

ANSA agenttiginiń Basqarma tóraǵasy Mr. Stefano Piero Carlo De Alessandri men «QazAqparat» AQ Basqarma tóraǵasy Asqar Qýanyshuly Ýmarov Yntymaqtastyq týraly memorandýmǵa qol qoıdy.

Memorandým aıasynda ANSA agenttigi óz saıtynda ıtalıan tilindegi «Qazaqstan jańalyqtary» aıdaryn ashýdy josparlap otyr. О́z kezeginde, «QazAqparat» HAA saıtynyń aǵylshyn tilindegi nusqasynda Italııa Respýblıkasynyń saıasat, ekonomıka, mádenıet salalaryndaǵy jańalyqtary jarııalanbaq.

Aıta keteıik, ANSA – memlekettik jáne halyqaralyq is-sharalar týraly aqparat taratatyn Italııanyń jetekshi aqparat agenttigi. Aqparat agenttiginiń memleket aýmaǵynda 22 jeke keńsesi bar, ol álemniń 74 memleketindegi 80-nan astam qalada óz qyzmetin júzege asyryp keledi. ANSA kún saıyn 3 myńnan astam aqparat taratyp, 700-den astam foto jáne vıdeorolıkter jarııalaıdy.

Agenttik ıtalıan tilinen basqa aǵylshyn, ıspan, nemis, portýgal jáne arab tilderinde habar taratady.

QazAqparat – Qazaqstandaǵy alǵashqy halyqaralyq mártebe alǵan memlekettik aqparat agenttigi. Bıyl aqparat agenttiginiń qurylǵanyna 100 jyl tolady.

«Búgin biz mańyzdy memorandýmǵa qol qoıyp otyrmyz. Bul memorandým boıynsha ıtalııalyq ANSA agenttigimen yntymaqtastyqty bastaımyz. Qujat boıynsha ANSA agenttiginde bólek aǵylshyn jáne ıtalıan tilinde bólek aıdar ashylady. Búgingi kelisimdi eki eldiń aqparattyq turǵyda jaqyndaı túsý prosesiniń úlken qadamy dep esepteımiz. Bizdiń ıtalııalyq áriptesterimiz Qazaqstannyń ekonomıkasy men týrızm salasyna qatty qyzyǵýshylyq bildirip otyr. Bul qujat eýropalyq agenttiktermen jasalǵan alǵashqy memorandým» dedi Asqar Ýmarov.

QazAqparat elimizdegi aqparat agenttikteri arasynda eń aýqymdy tilshiler qosynyna ıe. Qazaqstannyń barlyq óńirin qamtıtyn 15 menshikti tilshi men Reseı, Qytaı, Túrkııa, Eýropa, Ázerbaıjan, О́zbekstan, Qyrǵyzstan, Iordanııadaǵy ókildikter agenttikke elimizde jáne shetelde bolyp jatqan oqıǵalardan obektıvti ári tolyqqandy aqparat taratýǵa múmkindik beredi.

 

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar