Osy oraıda Bilim jáne ǵylym mınıstrligi jergilikti atqarýshy organdarmen birlese otyryp, atalǵan tapsyrmany oryndaý aıasyndaǵy sharalardy qabyldady. Vedomstvonyń baspasóz qyzmetiniń habarlaýynsha, elimizdiń 30-dan astam joǵary oqý ornynyń stýdentterine kóbeıtilgen shákirtaqy, sondaı-aq jergilikti atqarýshy organdar tarapynan kolledj stýdentterine stıpendııa tólene bastady. Osylaısha, joǵary oqý ornynyń 179 myń stýdenti men kolledjderdiń 136 myń stýdentiniń shákirtaqy kólemi artyp otyr.
Aıta ketken jón, bakalavrıat stýdentteriniń stıpendııasy 20 949 teńgeden 26 186 teńgege deıin, ınternatýra – 37 945 teńgeden 47 431 teńgege deıin, magıstratýra – 53 530 teńgeden 66 913 teńgege deıin, doktorantýra – 81 998 teńgeden 102 498 teńgege deıin ósti.
Kolledj stýdentteriniń stıpendııasy 16 759 teńgeden 20 948 teńgege artty.
