Aımaqtar • 23 Qańtar, 2020

Jánibek aýdanynda et óndirý artty

11 retkórsetildi

Jánibek aýdany – Batys Qazaqstan oblysynyń qıyr batysynda ornalasqan óńir. Reseıdiń Volgograd oblysy Pallasovka jáne Staraıa Poltava aýdandarymen, soltústiginde Saratov ob­lysynyń Novoýzensk, Pıterka aýdandarymen shektesetin aýdan mal sharýashylyǵyn damytyp, et eksportyn kóbeıtip keledi.

Jánibek aýdanynda byltyr jańadan 20 sharýa qojaly­ǵy qurylyp, olardyń jalpy sany 365-ke jetken. Aýdan ákimi Azamat Safımalıevtiń aıtýynsha, aldyńǵy jylmen salystyrǵanda óńirde iri qara men jylqy basy kóbeıgen. Sonymen qatar sharýalar sannan sapaǵa kóshýge kirisipti. Máselen, byltyr jyl basynan 111 sharýa qojalyǵy 349 bas asyl tuqymdy buqa, 7 sharýa qojalyǵy 150 bas asyl tuqymdy qoshqar satyp alypty. Qoǵamdyq mal, ıaǵnı turǵyndardyń jeke ıelikterindegi sıyr tabyndaryna da 119 bas asyl tuqymdy buqa qosylyp, aýdanda mal tuqymyn jaqsartý úshin júıeli jumys júrip jatyr eken.

– Byltyr eksportqa 130 tonna iri qara etin, 45 tonna qoı etin shyǵarý josparlanǵan bolatyn. Búginde Armenııa Respýblıkasyna 999,46 tonna iri qara eti (7139 bas) shyǵarylyp, jospar 768%-ǵa oryndalsa, Reseı Federasııasyna 79,76 tonna qoı eti (3988 bas) eksporttalyp, jospar 177%-dy qurady, – deıdi Azamat Safımalıev.

Sharýalarǵa kúz jaıly tıdi. Sol arqyly mal qystaǵyna daıyn­dyq oıdaǵydaı boldy. Kúni búgin aýyldyq okrýgterde 214,10 myń ga shabyndyq jerden 104,91 myń tonna shóp jınalyp alynǵan. Aýdan boıynsha jańadan 31 aýylsharýashylyq tehnıkasy alynyp, tehnıkalyq baza 22 paıyzǵa jańartylǵan.

– Aýdan sharýashylyqtarynyń damýyna memleket tarapynan kórsetilip otyrǵan júıeli qoldaý da paıdasyn berip jatyr. Jyl basynan 27 sharýa qojalyǵy 72 mln 900 myń teńgege 27 birlik kún batareıasyn qondyryp, 58 mln 320 myń teńge sýbsıdııa aldy. 29 sharýa qojalyǵy 62 mln teńgege 31 qudyq qazyp, 49 mln 600 myń teńge kóleminde sýbsıdııaǵa ıe boldy. Sonymen qatar 48 sharýa qojalyǵy 28 mln 800 myń teńgege turaqty tok tartatyn 48 agregat (generator) satyp alsa, ol qarjynyń 28 mln 800 myń teńgesi sýbsıdııa túrinde keri tólendi, – deıdi aýdan basshysy.

Budan bólek «Nátıjeli ju­mys­pen qamtý» baǵdarlamasy bo­ıyn­sha Jánibek aýdanyna 200 mln nesıe qarajaty bólingen eken.

 

Batys Qazaqstan oblysy

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar