Rýhanııat • 23 Qańtar, 2020

«Sýretti túsirgen Mamyrjan Botabekov»

9 retkórsetildi

Jýyrda Qazaq ulttyq agrar­lyq ýnıversıtetindegi Oljas Súleımenov atyndaǵy gýmanı­tarlyq tárbıe-bilim berý ınstıtýty zalynda kásibı fotosýretshi Mamyrjan Botabekovpen kezdesý keshi ótti.

«Shynaıy ónerde shekara joq» atty shyǵarmashylyq keshti QazUAÝ rektory Tilektes Espolov ashyp, óz isiniń naǵyz mamany Mamyrjan Bo­ta­bekovtiń fotoóner salasyndaǵy eren eńbegin aıryqsha atap ótti.

Bala kezden ákesiniń izin jalǵap, áýesqoılyqpen bastalǵan boıyndaǵy sýretke túsirý óneri 1984 jyly Ger­manııada áskerı boryshyn atqaryp júrgen kezeńinde ushtala túsip, arnaıy «Fotografııa» kýrsyn oqýǵa jeteledi. Áskerde júrip qatysqan fotograftar baıqaýynda júzden júırik, myńnan tulpar shyǵyp, júldeli orynnan kó­rindi. Áskerı boryshyn ótegennen keıin, sol elde arnaıy tapsyrmamen ta­ǵy da segiz jyl qyzmet etti. Sol ke­zeń­derde ózi sekildi qarapaıym qazaq ba­lasynyń arasynan shyǵyp, sheteldik fotoqurylǵylardy jetik meńgerip, myq­ty nemis fotograftarymen ıyq tirese jumys isteýi bir jaǵynan, úlken maq­tanysh bolsa, ekinshi jaǵynan, sırek kezdesetin jaǵdaı.

Germanııada áskerı qyzmet­te jú­rip fotosýret ónerindegi jı­naq­­­ta­ǵan mol tájirıbesin elge kel­­­gennen soń  Ilııas Jansúgirov atyn­daǵy Je­­tisý memlekettik ýnıver­sıte­tin­de, Ál-Farabı atyndaǵy Qazaq ult­­­tyq ýnıversıtetinde, respýb­lı­kalyq qoǵamdyq-saıası «Para­sat», «Báı­­­terek» jýr­naldarynda, «Al­ma­ty aqshamy» gazetterinde sátti jal­ǵas­tyrdy. Osy kezeńderde qalyń jurt­­­­shylyqqa, baspasózdi qalt jiber­meı­tin talǵampaz oqyrman aldynda jany bar fotosýretterimen tanyldy. Merzimdi basylymdar men albom-kitaptarda «Sýretti túsirgen Mamyrjan Botabekov» degen jazýmen tańbalanǵan sýretter kóptep jarııalana bastady.

Kásibı fotograf retinde birneshe shyǵarmashylyq kórmesi de tabyspen ótip, laıyqty baǵasyn aldy. О́ner ıesiniń «Álemdi sulýlyqpen seziný», «Meniń súıikti ýnıversıtetim», «Týǵan jerdiń tabıǵaty», «Meniń Qazaq­sta­nym», «Oljas ónegesi» taqyryp­ta­ryn­daǵy fotosýret kórmeleri jurt­shy­lyq kóńilinen shyqty.

Kásibı saladaǵy eleýli eńbegi  já­ne tabysty qyzmeti úshin ár jyldary «Jyldyń úzdik fotografy» atty O.Súleımenov atyndaǵy dıplom, ál-Fa­rabı atyndaǵy Qazaq ulttyq ýnı­versıtetiniń 70 jyldyǵy jáne QazUAÝ-dyń 80 jyldyǵyna oraı Qurmet gramotalary, «Aıryqsha eńbegi úshin» medali,  Táýelsizdigimizdiń 20 jyldyq merekesine baılanysty Nur Otan parııasynyń Alǵys haty, QazUAÝ-dyń 85 jyldyǵyna oraı  «Agrarlyq bilim, ǵylym jáne óndiriske qosqan úlesi úshin» medalimen, «QazUAÝ-85 jyl!» Altyn medalimen marapattaldy.

Kezdesý keshinde «Rýhanı jań­ǵyrý» gýmanıtarlyq zertteýler ortalyǵynyń jetekshisi, akademık Hangeldi Ábjanov, aqyn, jýrnalıst Almat Isádil, Tele-radıostýdııa meńgerýshisi Sanııazbek Nuǵyman syndy áriptesteri men ár fakýltettiń stýdentteri, «Nazarbaev bilim-ǵylym ortalyǵynyń» belsendi jastary jyly lebizderin bildirdi.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar