Qoǵam • 23 Qańtar, 2020

Jaıaý Musanyń eline «jaıaý barǵan» túıeler

1670 retkórsetildi

Áleýmettik jeli arqyly taraǵan «Pavlodar jaqtan ıesiz túıeler tabylypty», «Býra bastaǵan kele túıe Baıanaýylǵa kelip toqtapty. Ieleri joq eken!» degen habar túıesi joq adamdardyń ózin eleń etkizdi.

«Myna túıeler Baıan­aýyl­da, bizdiń jaıla­ýy­myzdyń janynda bir aıdan beri júr. Maldar Qazaqstannyń batysy jaǵynan kelgen degen sózder shyǵyp jatyr. Rasymen, solaı bolar. Sebebi bizdiń óńir­de túıe maly atymen joq.  Ji­gitter, obal ǵoı dep, shóbin be­­rip jatyr. Túıelerdiń «O» degen tańbasy bar.  Joǵaltqan bireý bar ǵoı, ne bolsa da»,  de­lingen WhatsApp arqyly kel­gen dybystyq habarlamada.

2014 jyldyń qarashasynda Qosoba aýylynyń turǵyny Qatiren Baınııazovtyń jaıy­lymda júrgen túıeleri jo­­­ǵaldy. Atpen, motosıkl­men, kó­likpen izdedi. Qosoba men Taıpaqtyń arasyn bylaı qoıǵanda, Aqtóbeniń Qob­da­syn, tipti Atyraý men Aq­taý­ǵa deıin bardy. Aıaǵy jetpegen jerge habar saldy. Izim-ǵaıym joq. Pavlodardaǵy túıeler jaıly estigende, «Me­niń tú­ıelerim bolyp júrme­sin!» dep oılaǵany da jasyryn emes.

– Jeti atamyzdan beri túıe baǵamyz. Ol janýardyń bir qasıeti – óziniń jaıylymynan kóp uzamaıdy. Joǵalǵanynan-aq qoldy boldy-aý dep oıladym. Habardy estı salysymen Baıanaýyldaǵy jigitterge ha­barlastym. Ol jaqqa 14 bas baryp tur eken. Qosoba men Pav­lodardyń arasy qaı­­da? (Jympıtydan 2235 sha­­qyrym – avtor) Shamasy, túıe­ler urlanyp, keıin ózderi soltústik asyp ketip tur.

Barlyq túıe meniki deýden aýlaqpyn. Ákem «Bireýdiń ala jibin attama!» dep úıretken.  Artyq oljadan dámetpeımin, maǵan ózimniń malym buıyrsa boldy, – deıdi Qatiren aǵaı.

Baıanaýyldaǵy túıeler týraly habardyń rastyǵyn óz qu­laǵymyzben bilmek bolyp, nómirin taýyp, joǵarydaǵy habardy taratqan adamnyń ózimen baılanysqa shyqtyq. Iesiz maldy kórip, eldi qu­laq­tandyrǵan musylman Aıt­muhamed Molshın degen azamat eken.

– Túıelerdiń sharýashyly­ǵymyzdyń mańynda júrgenine bir aıdaı boldy. Iesiz mal bol­maıdy. Bul túıelerdiń ıesi bar, izdep jatqan shyǵar dep oıladyq. О́zimiz de mal ósi­rip otyrǵan sharýamyz, jo­ǵaltqannyń zardabyn bilemiz. Sodan bireýdiń beınettenip asy­raǵan maly ǵoı, bireýler ıemdenip keter dep oılap, qa­sy­myzdaǵy jigitterdiń qo­ja­lyǵyna turaqtattyq. Po­lı­sııaǵa habar berdik, óz kúshi­mizben áleýmettik jeli arqyly da jar salýdamyz. Túıeler qazir Pavlodar oblysy Baıanaýyl aýdanynyń S.Toraıǵyrov aýylyna qarasty Maıqaıyń eldi mekeniniń mańynda tur, – dedi bizge «Sary­jaılaýCAPITAL» sharýa qojalyǵynyń basshysy Aıt­muhamed Molshın.

 

Baýyrjan ShIRMEDINULY

 

Batys Qazaqstan oblysy,

Syrym aýdany

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar