– Áleýmettik nysandar men olardyń janyndaǵy terrıtorııalarǵa basymdyq berilýi tıis, – dedi Ábilqaıyr Sqaqov №2 emhananyń janynda. – Qala turǵyndary aýrýhanalar, mektepter men bala baqshalarǵa baratyn joldar taza bolýy kerek. Osy jerden tańerteń ótkende qar jatqan edi, áli de tazalanbaǵan. Kólik turaqtaryndaǵy qardy da shyǵarý kerek. Bul áleýmettik nysandarǵa ǵana emes, jaqyn mańdaǵy adamdar paıdalanatyn turaqtarǵa da qatysty.
Qalany aralap bolǵan soń aımaq basshysynyń birinshi orynbasary kommýnaldyq qyzmetterdiń ókilderimen jınalys ótkizdi. Qalalyq TÚKSh bólimi men kommýnaldyq qyzmetter qar tazalaý jumystaryn qolǵa alýdy jáne jaqyn arada qalany qardan aryltýǵa ýáde berdi.
