Aımaqtar • 23 Qańtar, 2020

OQMÝ shákirtaqyny birinshi bolyp kóterdi

21 retkórsetildi

Shymkenttegi M.Áýezov atyndaǵy OQMÝ stýdentter men magıstrant, doktoranttardyń stıpendııasynyń kólemin elimizdegi joǵary oqý oryndary ishinde alǵash bolyp kóterdi. Bul týraly Shymkent qalasy ákimdiginiń baspasóz qyzmeti habarlady.

Prezıdent Qasym-Jomart Toqaev jastar forýmynda 2020 jyldyń qańtar aıynan bastap ýnıversıtet pen kolledj stýdentteriniń shákirtaqysy 25 paıyzǵa ósetinin málimdegen bolatyn. Bul turǵyda elimiz boıynsha shamamen 130 myń stýdenttiń stıpendııasy joǵarylaıtyny belgili boldy.

Osyǵan oraı, ýnıversıtettegi «Jastar ortalyǵynyń» músheleri jıyn ótkizip, pikirlerin bildirdi. Toqyma jáne tamaq ınjenerııasy joǵarǵy mektebiniń 2-kýrs stýdenti Aıtóre Sadybaı kúni keshe 26 180 teńge shákirtaqy alǵanyn aıtady.

1

– Buryn 20 000 teńge alatyn edim. 25 paıyz shákirtaqy qosyp bergen Memleket basshysyna, ýnıversıtet rektory Darııa Qojamjarovaǵa alǵysymyzdy bildiremiz. Aldaǵy ýaqytta oqýda ozat, ǵylymda úzdik bolýǵa sóz beremiz, deıdi stýdent.

Aıta ketý kerek, búginde M.Áýezov atyndaǵy OQMÝ-da 28 myń stýdent kúndizgi bólimde bilim alýda. Onyń 9 myńǵa jýyǵy memlekettik grant negizinde oqyp, shákirtaqy alady. Olardyń arasynda magıstranttarǵa 66 913 teńge, doktoranttarǵa 102 498 teńge shákirtaqy berilgen.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar