Úkimet • 23 Qańtar, 2020

AShM-de sybaılas jemqorlyqqa qarsy is-qımyl talqylandy

12 retkórsetildi

Aýyl sharýashylyǵy mınıstrliginde Sybaılas jemqorlyqqa qarsy qyzmetimen birlesken aýyl sharýashylyǵy salasyndaǵy jemqorlyqtyń aldyn-alý jóninde jıyn ótti. Bul týraly Aýyl sharýashylyǵy mınıstrliginiń baspasóz qyzmeti habarlady.

Jıynǵa Qazaqstan Respýblıkasynyń aýyl sharýashylyǵy vıse-mınıstri G.S.Isaeva, Sybaılas jemqorlyqqa qarsy is-qımyl Agenttigi Tóraǵasynyń orynbasary N.A. Shabdar., Agroónerkásiptik keshendegi memlekettik ınspeksııa komıtetiniń tóraǵasy Mars A.A. jáne komıtet ujymy qatysty.

Jıynda sóz alǵan Qazaqstan Respýblıkasy Aýyl sharýashylyǵy vıse - mınıstri G. S. Isaeva vedomstvodaǵy sybaılas jemqorlyqtyń aldyn alý baǵytynda osyndaı jıyndardy ótkizýdiń mańyzdylyǵyn atap ótti.

2018 jyldyń basynda Mınıstrlik Sybaılas jemqorlyqqa qarsy qyzmetke Aýyl sharýashylyǵy mınıstriniń buıryǵymen qurylǵan (2018 jyldyń aqpan aıy) arnaıy jumys toby anyqtaǵan Agroónerkásiptik keshendegi memlekettik ınspeksııa komıteti tarapynan memlekettik satyp alýdaǵy 2017 jylǵy jibergen buzýshylyqtar boıynsha  barlyq materıaldardy jibergen.

О́z kezeginde, Sybaılas jemqorlyqqa qarsy qyzmeti atalmysh komıtettiń qyzmetine taldaý júrgizip, memlekettik satyp alýlar jáne merdigerlermen qyzmet kórsetý salasyndaǵy sybaılas jemqorlyq táýekelderin anyqtady.

Sonymen qatar jıynǵa qatysýshylarǵa qyzmettik ókilettigin teris jáne asyra paıdalaný faktisi boıynsha Agroónerkásiptik keshenindegi memlekettik ınspeksııa komıtetiniń eks-tóraǵasy E.T.Aınabekovke qatysty qylmystyq is sheńberinde qylmys jasaýǵa yqpal etken jaǵdaılardy joıý týraly usynystar qaralyp, túsinikteme berildi.

Qazaqstan Respýblıkasy Aýyl sharýashylyǵy mınıstrligi Sybaılas jemqorlyqqa qarsy qyzmettiń jemqorlyq quqyq buzýshylyqtardyń aldyn alý, azaıtý jáne osy salada qylmys jasaýǵa yqpal etken jaǵdaılardy joıý boıynsha barlyq usynymdaryn oryndady.

Atap aıtar bolsaq, memlekettik satyp alý rásimderinde asa qaýipti zııandy organızmderge qarsy óńdeý kezinde qoldanylatyn arnaıy tehnıkany memlekettik tirkeý erejelerine sáıkes tehnıkalyq pasporttardy usyný boıynsha talaptar belgilengen. Sondaı-aq tehnıka túrleri men óńdeý oryndary naqtylandy.

Mınıstrliktiń ishki úderisterin basqarý jónindegi nusqaýlyqqa jáne Memlekettik satyp alý rásimderine qatysatyn barlyq bólimsheler men barlyq memlekettik qyzmetshilerdiń jedel ózara is-qımylyna qatysty Komıtet qyzmetkerleriniń laýazymdyq nusqaýlyǵyna ózgerister engizildi.

Sondaı-aq profılaktıkalyq áser etý maqsatynda AShM agroónerkásiptik keshenindegi memlekettik ınspeksııa komıtetiniń eńbek ujymyna sybaılas jemqorlyq qylmystaryn jasaǵany úshin sheneýnikterdiń jazalary týraly beınerolık kórsetildi.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar