Qazaqstan • 23 Qańtar, 2020

2019 jyly Qazaqstanǵa 17,6 myńnan astam qandas keldi

34 retkórsetildi

2019 jyly 17 661 etnıkalyq qazaq nemese 9 993 otbasy tarıhı otanyna oraldy jáne qandas mártebesine ıe boldy. Olardyń kópshiligi Qytaıdan – 41,5% (7 326 adam), О́zbekstannan – 40,1% (7 074 adam), Túrkmenstannan – 6,5% (1 152 adam), Monǵolııadan – 6,2% (1 095 adam), Reseıden – 1,8% (313 adam), 3,9% (701 adam) basqa elderden keldi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Qandastardyń basym kópshiligi Almaty – 38%, Mańǵystaý – 14% oblystaryna, Shymkent – 7% jáne Nur-Sultan – 6% qalalaryna qonystandy.

Kelgen qandastardyń jalpy sanynan eńbekke jaramdy jastaǵy adamdar 62,7%-dy (11 082 adam), eńbekke qabiletti jastaǵylar – 30,7%-dy (5 420 adam), zeınetkerler – 6,6%-dy (1 159 adam) quraıdy.

Eńbekke jaramdy jastaǵylardyń ishinen bilim deńgeıi boıynsha 13,6% – y joǵary bilimdi, 25,2%-y – orta arnaýly bilimdi, 46,7%-y – jalpy orta bilimdi, 14,5%-nyń bilimi joq.

2019 jylǵa Úkimet 2 031 qandasty qabyldaýdyń óńirlik kvotasyn bekitti, ol mynadaı túrde bólindi: Qostanaı oblysy boıynsha – 815, Pavlodar oblysy boıynsha – 550, Aqmola oblysy boıynsha – 306 adam, Shyǵys Qazaqstan oblysy boıynsha-250, Soltústik Qazaqstan oblysy boıynsha – 110 adam.

Qandastardy qabyldaýdyń óńirlik kvotasyna engizilgen adamdarǵa Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý sheńberinde sýbsıdııa berý túrinde qoldaý kórsetildi: kóshýge – otbasynyń árbir múshesine 35 AEK (84,2 myń teńge) birjolǵy tólem; turǵyn úıdi jaldaý (jalǵa alý) jáne kommýnaldyq qyzmetterge tóleý boıynsha shyǵystardy jabý úshin 12 aı boıy otbasyna 15-ten 30 AEK (36,1-den 72,2 myń teńge).

Esterińizge sala keteıik, 1991 jyldan 2020 jylǵy 1 qańtarǵa deıin 313 256 otbasy nemese 1 057 280 etnıkalyq qazaq tarıhı otanyna oralyp, qandas mártebesin alǵan bolatyn.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar