Úkimet • 23 Qańtar, 2020

Ekologııa mınıstrliginiń ujymy prezıdenttik jastar kadr rezervimen tolyqty

20 retkórsetildi

Qazaqstannyń Ekologııa, geologııa jəne tabıǵı resýrstar mınıstrligi qyzmetkerleriniń qataryna prezıdenttik jastar kadr rezerv ókilderi kelip qosyldy. Bul týraly Ekologııa, geologııa jəne tabıǵı resýrstar mınıstrliginiń baspasóz qyzmeti habarlady.

Məselen, Ekologııalyq retteý jəne baqylaý komıteti Nur-Sultan qalasy Ekologııa departamenti basshysy qyzmetine Qazantaev Dəýren Ǵanıbekuly taǵaıyndaldy. Ol 2005 jyly T. Rysqulov atyndaǵy Qazaq ekonomıkalyq ýnıversıtetin ekonomıst-halyqaralyq qatynastar mamandyǵy boıynsha bitirgen. Buryn Qazaqstannyń Ekologııa mınıstrligi basshysynyń keńesshisi bolǵan.

Qazaqstannyń Energetıka mınıstrligi Klımattyq saıasat jəne jasyl tehnologııalar departamenti dırektory orynbasary bolyp L. Gýmılev atyndaǵy Eýrazııa ulttyq ýnıversıteti gýmanıtarlyq ǵylymdar magıstri Súleımenova Zúlfııa Bolatqyzy keldi. Z. Bolatqyzy Ulttyq saıası zertteýler ınstıtýtynyń (Japonııa) Phd dərejesin almaq. Buryn ol BUU Azııa jəne Tynyq muhıty, Bangkok (Taıland) elderine arnalǵan ekonomıkalyq jəne áleýmettik komıssııa Qorshaǵan orta jəne damý departamentiniń ekologııalyq məseleleri jónindegi konsýltanty bolǵan.

Qazaqstannyń Ekologııa, geologııa jəne tabıǵı resýrstar mınıstrligi Əkimshilik jumys departamentiniń dırektory bolyp Shıranov Akzan Rashıdovıch taǵaıyndaldy. Ol 2005 jyly N. E. Baýman atyndaǵy Məskeý memlekettik tehnıkalyq ýnıversıtetin bitirgen. Taǵaıyndalýǵa deıin Qazaqstannyń Energetıka mınıstriniń kómekshisi bolǵan.

Qazaqstannyń Ekologııa, geologııa jəne tabıǵı resýrstar mınıstri Maǵzum Myrzaǵalıev vedomstvonyń jańa qyzmetkerlerin quttyqtap, tabystar tiledi. Ol sondaı-aq prezıdenttik jastar kadr rezerv quramyna ený zor qurmet pen jaýapkershilik ekenin atap ótti.

«Biz sizderdi Qazaqstannyń Ekologııa, geologııa jəne tabıǵı resýrstar mınıstrliginde qarsy alǵanymyzǵa qýanyshtymyz. Sizderdiń biliktilikterińizge senemiz» dedi M.Myrzaǵalıev.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar